ENTREVISTA FRANCISCO MARTÍNEZ LÓPEZ, secretario de Estado de Memoria Democrática

O Goberno expresa a súa vontade de abrir Meirás ao público "en condicións de seguridade" e no prazo "máis breve posible”. O secretario de Estado de Memoria Democrática avanza que encargou un estudio para que se acometan as obras necesarias que permitan ir abrindo "paulatinamente" os espazos que continúan pechados, entre eles o que foi o despacho do ditador. Nunha entrevista concedida a 'A ferida aberta no 36', Fernando Martínez nega que a declaración de Meirás como lugar de memoria coloque as vítimas do franquismo ao mesmo nivel que a antiga propietaria do pazo, a escritora Emilia Pardo Bazán. Cuestións que abordamos nesta conversa na que falamos tamén de San Simón, do plan de exhumacións e da necesidade de educar en memoria para dar a coñecer a verdade "en medio de tanto bulo, tanta terxiversación e tanto populismo e neofascismo que se está espertando, non só en España, senón tamen a escala internacional". Podes escoitar a entrevista completa no capítulo 40 de 'A ferida aberta no 36'.