ENTREVISTA CARLOS BABÍO, PRESIDENTE DA CRMH: A POXA DOS BENS DE MEIRÁS

A Comisión pola Recuperación da Memoria Histórica pídelles á Consellería de Cultura e ao Goberno que comproben se entre os arredor de 700 bens de Meirás que os Franco subastarán en Madrid o día 27 hai elementos ligados á ditadura ou á traxectoria vital de Emilia Pardo Bazán que deban ser protexidos. O presidente da CRMH A Coruña, Carlos Babío Urkidi, lembra que xa advertiran no mes de xullo dos movementos que estaban realizando os herdeiros do ditador. Non desbota que algúns dos bens do catálogo que serán poxados foran sacados da Casa Cornide que foi desvalixada polos Franco o pasado verán. Babío confirma que xa presentaron o recurso contra os termos en que foi redactado o expediente polo que se declara Meirás Lugar de Memoria. Cóntao no capítulo 40 de 'A ferida aberta no 36'.