Sri Lakshmi Stotram | Laghu Sthotra Mala Volume 1 | Composed by Sri Sri Krishnapremi Swamigal
mythili rajaraman
0:00 / 0:00
Sri Lakshmi Stotram | Laghu Sthotra Mala Volume 1 | Composed by Sri Sri Krishnapremi Swamigal
8 742 просмотра · 5 лет назад
mythili rajaraman
12 тыс. подписчиков
8 742 просмотра · 5 лет назад
#srisrianna #mythilirajaraman #lakshmi
LAKSHMI PLAYLIST: • Lakshmi
LYRICS IN TAMIL : https://drive.google.com/file/d/1Zzif...
श्रीलक्ष्मी स्तोत्रं
श्रीरित्येव प्रोच्यते याहि रूढ्या
श्रेयोदायिन्याश्रितानां जनानाम् ।
श्रीनाथत्वेनैव विष्णोः परत्वम्
लक्ष्मीर्नित्यं मङ्गलं मे तनोतु ॥ १ ॥
चन्द्रे सूर्ये पुष्करे सागरे च
वीणानादे विष्णुवक्षःस्थले च ।
गेहे गेहे सज्जनानां वसन्ती
लक्ष्मीर्नित्यं मङ्गलं मे तनोतु ॥ २ ॥
लब्ध्वा विष्णोर्नित्यसंयोगमेषा
वैकुण्ठाख्ये दिव्य लोके वसन्ती ।
पत्युर्लीलां प्रेरयन्ती कटाक्षैः
लक्ष्मीर्नित्यं मङ्गलं मे तनोतु ॥ ३ ॥
तत्तत्कर्मालोचनेनैव दातुं
सौख्यं दुःखं संप्रवृत्ते मुकुन्दे ।
स्वच्छन्दं या संविधत्ते कटाक्षम्
लक्ष्मीर्नित्यं मङ्गलं मे तनोतु ॥ ४ ॥
आविर्भूता क्षीरसिन्धोश्च मध्यात्
सर्वान् देवान् सम्मुखांस्थानतीत्य ।
वव्रे विष्णुं यास्वयं देवदेवं
लक्ष्मीर्नित्यं मङ्गलं मे तनोतु ॥ ५ ॥
पुत्री भूत्वा या भृगोःप्रेमपूर्वम्
भर्तारं तं लोकभर्तारमेव ।
भक्ता वव्रे सातुसौभग्यदात्री
लक्ष्मीर्नित्यं मङ्गलं मे तनोतु ॥ ६ ॥
पार्श्वे स्थित्वा पार्वतीं भारतीं च
भक्त्या नित्यं चामरं वीजयन्तीं ।
पश्यन्ती या प्रेमभवं करोति
लक्ष्मीर्नित्यं मङ्गलं मे तनोतु ॥ ७ ॥
लब्ध्वा वासं विष्णुवक्षःस्थलेपि
स्थानं दत्वा वैजयन्त्याः सपत्न्याः ।
या सा नित्यं पादसेवां करोति
लक्ष्मीर्नित्यं मङ्गलं मे तनोतु ॥ ८ ॥
पद्माक्षी या पद्महस्ता च पद्मा
पद्मासीना पद्मनाभस्य पत्नी ।
पद्मं शङ्खं दातुकामानिधिं सा
लक्ष्मीर्नित्यं मङ्गलं मे तनोतु ॥ ९ ॥
शुभ्रक्षौमाऽलङ्कृता शोभनाङ्गी
हैमैर्दिव्यैर्भूषणैर्भूषिता च ।
हेमाङ्गी या हेमकुम्भस्तनी सा
लक्ष्मीर्नित्यं मङ्गलं मे तनोतु ॥ १० ॥
वल्लीतुल्या मल्लिका मालिकाढ्या
लीला लोला लोलरोलंब नेत्री ।
नित्या शुद्धा नित्यतारुण्य मूर्तिः
लक्ष्मीर्नित्यं मङ्गलं मे तनोतु ॥ ११ ॥
प्रह्लादस्य प्रेमभक्तिं जगत्यां
नूनं लोके दर्शयन्तीव भीता ।
त्यक्त्वा नाथं या सुदूरं दधाव
लक्ष्मीर्नित्यं मङ्गलं मे तनोतु ॥ १२ ॥
चञ्चू नुन्नावायसेनापि तस्मै
भद्रं चक्रे सान्त्वयन्ती स्वनाथं ।
क्ष्यामाः कन्या या क्षमा रूपिणी सा
लक्ष्मीर्नित्यं मङ्गलं मे तनोतु ॥ १३ ॥
उत्कृष्टत्वं या सपत्न्याः क्षमाया
दातुं प्रेम्णाकन्यकाभूत् स्वयंहि ।
भूत्वा विष्णोर्ज्येष्टपत्नी तथापि
लक्ष्मीर्नित्यं मङ्गलं मे तनोतु ॥ १४ ॥
त्यक्त्वा राज्यं प्रस्थितं काननं या
दृष्ट्वा रामं संययौ तेन साकम् ।
मन्दं पद्भ्यां मालती कोमलाभ्यां
लक्ष्मीर्नित्यं मङ्गलं मे तनोतु ॥ १५ ॥
वीरं रामं वञ्चयित्वा वने या
लङ्कां नीता तर्जिता राक्षसीभिः ।
रक्षोपायं राक्षसायाप्युवाच
लक्ष्मीर्नित्यं मङ्गलं मे तनोतु ॥ १६ ॥
आत्मस्पर्शात् सर्व भक्षस्य हृत्वा
लङ्कादाहे जातमग्नेश्च दोषं ।
पातिव्रत्यं दर्शयामास या सा
लक्ष्मीर्नित्यं मङ्गलं मे तनोतु ॥ १७ ॥
भर्तुः पार्श्वे संनिविष्टा सहर्षं
साम्राज्ये स्वे साधु पट्टाभिषिक्ता ।
लोकानां स्वश्रेयसं या करोति
लक्ष्मीर्नित्यं मङ्गलं मे तनोतु ॥ १८ ॥
वाल्मीकेरप्याश्रमे देवरेण
त्यक्ता रामस्याज्ञया या विशुद्धा ।
पुत्राभ्यां शुश्रावकीर्तिं स्व भर्तुः
लक्ष्मीर्नित्यं मङ्गलं मे तनोतु ॥ १९ ॥
भैष्मी भूत्वा वासुदेवस्य नित्यं
श्रुत्वा कीर्तिं साधुभिः कीर्तितं या ।
वव्रे दूतं प्रेषयित्वा तमेव
लक्ष्मीर्नित्यं मङ्गलं मे तनोतु ॥ २० ॥
भर्तुःसेवामष्टधाऽनेकधा च
धृत्वा रूपं सादरं द्वारकायां ।
चक्रे या सा विश्वरूपानुरूपा
लक्ष्मीर्नित्यं मङ्गलं मे तनोतु ॥ २१ ॥
श्रुत्वा भर्तुर्वाक्यमुक्तं च भीता
तेनैवान्ते सान्त्विता प्रेमपूर्वं ।
भक्त्या साधु प्रत्युवाच प्रियं या
लक्ष्मीर्नित्यं मङ्गलं मे तनोतु ॥ २२ ॥
साध्वीधर्मं साधु लोके चरन्ती
प्रद्युम्नादीन्पुत्रपौत्रान् प्रसूय ।
अङ्कं भर्तुर्भूषितं या चकार
लक्ष्मीर्नित्यं मङ्गलं मे तनोतु ॥ २३ ॥
रङ्गे काञ्च्यां वेङ्कटाद्रौ वनाद्रौ
साकं भर्त्रा दिव्यदेशेषु वासम् ।
कुर्वन्ती या सेव्यते भक्तबृन्दैः
लक्ष्मीर्नित्यं मङ्गलं मे तनोतु ॥ २४ ॥
एतन्नित्यं यः पठेत्भक्तिपूर्वं
लक्ष्मीस्तोत्रं कीर्तितं प्रेमिकेण ।
लक्ष्मीभर्तुः प्रेमकारुण्यपात्रं
भूत्वा नूनं प्राप्नुयात् सर्वसौख्यम् ॥ २५ ॥
