Jagannatha Ashtakam | Laghu Sthotra Mala Volume 2 | Composed by Sri Sri Krishnapremi Swamigal

#Mythilirajaraman #Jagannath #Laghustotramala2 Ashtakams on Sri Jagannath, Puri Sri Jagannathashtakam - Laghustotramaala 02 - Ashtakam 16 जगन्नाथाष्टकं परं सत्यं शान्तं शिवमविकलं निर्गुणमजं जगज्जन्मस्थेमप्रलयघटनासाक्षिणमहम् | चिदानन्दाकारं प्रकृतिपुरुषाधारमलयं कदा वीक्षे कृष्णं हलधरसुभद्रासहचरम् || 1 || பரம் ஸத்யம் ஶாந்தம் ஶிவமவிகலம் நிர்கு³ண மஜம் ஜகஜ்ஜன்மஸ்தே²ம ப்ரளயக⁴டனா ஸாக்ஷிணமஹம் | சிதானந்தாகாரம் ப்ரக்ருதிபுருஷாதா⁴ரமலயம் கதா³ வீக்ஷே க்ருஷ்ணம் ஹலத⁴ரஸுப⁴த்³ராஸஹசரம் || 1 || परं वैकुण्ठं तत्पदमपि विहाय श्रुतिशिरो रवेर्बिम्बं शुद्धं मुनिजनहृदंभोरुहमपि | वसन्तं नीलाद्रौ मयि करुणया दारुवपुषा कदा वीक्षे कृष्णं हलधरसुभद्रासहचरम् || 2 || பரம் வைகுண்ட²ம் தத்பத³மபி விஹாய ஶ்ருதிஶிரோ ரவேர்பி³ம்ப³ம் ஶுத்³த⁴ம் முனிஜனஹ்ருத³ம்போ⁴ருஹமபி | தஸந்தம் நீலாத்³ரௌ மயி கருணயா தா³ருவபுஷா கதா³ வீக்ஷே க்ருஷ்ணம் ஹலத⁴ரஸுப⁴த்³ராஸஹசரம் || 2 || कदाचिन्नीलाद्रेस्तटभुवि चरन्नुद्धवमुखात् परं राधादेव्या विरहजनितं दीनवचनम् | समाकर्ण्य ग्लानिं वपुषि नितरां प्राप्तमनघं कदा वीक्षे कृष्णं हलधरसुभद्रासहचरम् || 3 || கதா³சிந்நீலாத்³ரேஸ்தடபு⁴வி சரன்னுத்³த⁴வமுகா²த் பரம் ராதா⁴ தே³வ்யா விரஹஜனிதம் தீ³னவசனம் | ஸமாகர்ண்ய க்³லானிம் வபுஷி நிதராம் ப்ராப்தமனக⁴ம் கதா³ வீக்ஷே க்ருஷ்ணம் ஹலத⁴ரஸுப⁴த்³ராஸஹசரம் || 3 || स्मरन् बृन्दारण्यं जलधिपुलिनं भूरुहवृतं तथा भैष्मीं राधामितरमहिषीर्घोषयुवती: | नटन् सौख्यम् प्राप व्रजभुवनजं यो रहसि तं कदा वीक्षे कृष्णं हलधरसुभद्रासहचरम् || 4 || ஸ்மரன் ப்ருந்தா³ரண்யம் ஜலதி⁴புளினம் பூ⁴ருஹவ்ருதம் ததா² பை⁴ஷ்மீம் ராதா⁴மிதரமஹிஷீர்கோ⁴ஷயுவதீ: | நடன் ஸெளக்யம் ப்ராப வ்ரஜபு⁴வனஜம் யோ ரஹஸிதம் கதா³ வீக்ஷே க்ருஷ்ணம் ஹலத⁴ரஸுப⁴த்³ராஸஹசரம் || 4 || श्रुतिर्यस्योत्पत्तिं गदति विशदं दारवमपि स्वरूपं तध्यस्य स्फुरति विमलं चिद्रसमयम् | सदा सेव्यं ब्रह्मत्रिनयनमुखैर्देवनिकरै: कदा वीक्षे कृष्णं हलधरसुभद्रासहचरम् || 5 || ஶ்ருதிர்யஸ்யோத்பத்திம் க³த³தி விஶத³ம் தா³ரவமபி ஸ்வரூபம் தத்⁴யஸ்ய ஸ்பு²ரதி விமலம் சித்³ரஸமயம் | ஸதா³ ஸேவ்யம் ப்³ரஹ்ம த்ரிநயனமுகை²ர்தே³வநிகரை : கதா³ வீக்ஷே க்ருஷ்ணம் ஹலத⁴ரஸுப⁴த்³ராஸஹசரம் || 5 || नवांभोदश्यामं नलिननयनं पीतवसनं लसन्नानारत्नाकलितमुकुटं सुस्मितमुखम् | त्रिभङ्ग्या तिष्ठन्तं मधुरमुरलीगानरसिकं कदा वीक्षे कृष्णं हलधरसुभद्रासहचरम् || 6 || நவாம்போ⁴தஶ்யாமம் நளினநயனம் பீதவஸனம் லஸன்நாநாரத்னாகலிதமுகுடம் ஸுஸ்மிதமுக²ம் | த்ரிப⁴ங்க்³யா திஷ்ட²ந்தம் மது⁴ரமுரளீகா³னரஸிகம் கதா³வீக்ஷே க்ருஷ்ணம் ஹலத⁴ரஸுப⁴த்³ராஸஹசரம் || 6 || रथारूढस्याग्रे पथि पथि जगन्नाथनगरे हरेर्नृत्यन्नृत्यन् मधुर मधुरं नाम च रटन् | लुठन् भूमौ भक्त्या सुजनचरणेष्वादरयुत : कदा वीक्षे कृष्णं हलधरसुभद्रासहचरम् || 7 || ரதா²ரூட⁴ஸ்யாக்³ரே பதி² பதி² ஜகந்நாத²நக³ரே ஹரேர் ந்ருத்யன் ந்ருத்யன் மது⁴ரமது⁴ரம் நாம ச ரடன் | லுடன் பூ⁴மௌ ப⁴க்த்யா ஸுஜனசரணேஷ்வாத³ரயுத: கதா³ வீக்ஷே க்ருஷ்ணம் ஹலத⁴ரஸுப⁴த்³ராஸஹசரம் || 7 || प्रसादान्नं विष्णोरखिलकलुषक्षालनकरं मुदा भक्त्या भुक्त्वा विमलहृदयो मन्दिरवरे | वसन् भक्तै: साकं मधुरभगवन्नाम रसिकै: कदा वीक्षे कृष्णं हलधरसुभद्रासहचरम् || 8 || ப்ரஸாதா³ன்னம் விஷ்ணோரகி²லகலுஷக்ஷாலனகரம் முதா³ ப⁴க்த்யா பு⁴க்த்வாவிமலஹ்ருத³யோ மந்தி³ரவரே | வஸன் ப⁴க்தை:ஸாகம் மது⁴ரபகவந்நாம ரஸிகை : கதா³ வீக்ஷே க்ருஷ்ணம் ஹலத⁴ரஸுப⁴த்³ராஸஹசரம் || 8 || जगन्नाथाष्टकं पुण्यं कृष्णप्रेमिककीर्तितं | पठतां प्रातरुत्थाय सुलभं कृष्णदर्शनं || ஜகந்நாதாஷ்ட²கம் புண்யம் க்ருஷ்ணப்ரேமிககீர்த்திதம் | பட²தாம் ப்ராதருத்தா²ய ஸுலப⁴ம் க்ருஷ்ணத³ர்ஶனம் ||