សូមអនុមោទនា វេរភត្ត និងរាប់បាត្រ បញ្ចប់វេនកាន់បិណ្ឌទី១១

សូមអនុមោទនា វេរភត្ត និងរាប់បាត្រ បញ្ចប់វេនកាន់បិណ្ឌទី១១ ━━━━━━━━━━━ នាព្រឹក ថ្ងៃពុធ ១១រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែតុលា ឆ្នាំ២០២៦នេះ៖ -  ព្រះរតនវិទូ អ៊ុំ ប៊ុនណា អនុប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា -  ព្រះសីលានន្ទោ សេង សំណាង ផ្នែកភត្តុទ្ទេស -  អគ្គមហាឧបាសិកាពុទ្ធសាសនូបត្ថម្ភក៍ ប៉ុង សុខុន ព្រមទាំងកូនចៅ -  មហាឧបាសកពុទ្ធសាសនូបត្ថម្ភក៍ តុល សំអន និងភរិយា ព្រមទាំងបុត្រ -  មហាឧបាសិកាពុទ្ធសាសនូបត្ថម្ភក៍ តុល ស្រី ព្រមទាំងកូនចៅ -  អ្នកឧកញ៉ា តុល លន និងលោកជំទាវ ហ៊ោ ខាន់ ព្រមទាំងកូនចៅ -  លោក ទិត្យ សុខា និងភរិយា ព្រមទាំងកូនចៅ -  មហាឧបាសិការតនសោភា ទិត្យ រដ្ឋា និងស្វាមី ព្រមទាំងញាតិព្រះធម៌ -  អគ្គមហាឧបាសិកាពុទ្ធសាសនូបត្ថម្ភក៍ ទិត្យ រ័ត្នមុនី និងស្វាមី ព្រមទាំងបុត្រ  បានរៀបចំចាត់ចែងចង្ហាន់បិណ្ឌបាតភត្តដ៏ប្រណីត ព្រមទាំងបានទុកដាក់បច្ច័យ ៤ ប្រគេនព្រះសង្ឃប្រើប្រាស់តាមពុទ្ធវិន័យ និងជូនសីលវន្ត-សីលវតីផងដែរ សង្ឃម្ហិ សុបតិដ្ឋិតា ទានដែលតម្កល់នៅល្អហើយក្នុងសង្ឃ ទីឃរត្ដំ ហិតាយស្ស ឋានសោ ឧបកប្បតិ ទក្ខិណាទាននោះ ទើបចូល ទៅសម្រេចតាមស្ថាន ដើម្បីជាប្រយោជន៍ដល់បុព្វការីនោះ អស់កាលជាយូរអង្វែង ប្រកបដោយចេតនាជ្រះថ្លារីករាយ ដើម្បីឧទ្ទិសមហាកុសល ដែលកើតពីធម្មទាន និងអាមិសទាន ប្រគេន-ជូនចំពោះ បុព្វការីជន៖ មាតាបិតា ជីដូនជីតា គ្រូឧបជ្ឈាយាចារ្យ ព្រមទាំងញាតិកា៧សន្តាន៚ ដោយបុញ្ញានុភាព នៃធម្មទាន និងអាមិសទាន ដែលព្រះតេជគុណ អគ្គមហាឧបាសក មហាឧបាសក មហាឧបាសិកា ឯកឧត្តម អ្នកឧកញ៉ា លោកជំទាវ លោក លោកស្រី ព្រមទាំងបុត្រ-ចៅ និងពុទ្ធបរិស័ទ្យជិតឆ្ងាយ សូមសម្រេចបុណ្យកុសលដល់បុព្វការីជន ព្រមទាំងញាតិ និងប្រគេន-ជូនពរដល់ព្រះតេជគុណ ញាតិញោមពុទ្ធបរិសទ្យ សូមមានសុខភាពល្អ សមប្រកបដោយពុទ្ធពរទាំង៤ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៚