మరువను దేవా మా యేసుప్రభువా / Song - 265 (Tune - 2)

మరువను దేవా మా యేసుప్రభువా - వేకువనే నిన్ వెదకెద దేవా మహోన్నతుడా ! మారనిదేవా - ఎన్నటికి నన్ విడువనంటివే 1. ముదమున నాదు హృదయ ధ్యానముల్ - ఉదయకాలమే కాచియుంచెదన్ నీళ్ళులేకయే ఎండిన భూమి - చందమువలె నీ సన్నిధినుంటిని 2. అంచితముగ నా మంచము మీదనే - నిను జ్ఞాపకము చేసికొందును క్రొవ్వు మెదడులే దొరికినట్లుగా - ఉల్లసించెదన్ స్తుతియించెదను 3. ఎన్నిక లేని మన్నుకు నీదు - ఉన్నతరూపం నిచ్చిన దేవా నీ జీవాత్మను నాలో ఊది - శాశ్వత ప్రేమను చూపిన దేవా 4.జీవము కంటే నీ కృపోత్తమం - చావునుండి నన్ లేపితివయ్యా పరిశుద్ధులలో యాజక గుంపులో - రాజులవలె నన్ రక్షించితివే 5. అగణిత పాపిని అగ్నిపాత్రుని - ఆమరణాంతం కరుణించితివే నిత్యజీవము నిండు నెమ్మది - ఇచ్చిన దేవా నీకే స్తోత్రము 6. హింసలు బాధలు కరవు ఖడ్గముల్ - నీ కృపనుండి నన్ యెడబాపవని నమ్మితినయ్యా నెమ్మది నియ్యము - ఈ పగలంతా జీవితమంతా