🔴XANANA KONTA HISTORIA FUNU NIAN‼️

Iha Foho leten Paichau, Aldeia Malahara, Suku Muapitine, Munisípiu Lautém, natureza ohin loron hakmatek no nakonu ho ai-horis. Maibé, iha tempu okupasaun, fatin ida-ne’e sai parte importante hosi dalan naruk luta povu Timor-Leste bá independénsia. Iha segunda (21/09), Komandante Ein-Xefe FALINTIL, atuál Primeiru-Ministru (PM) Kay Rala Xanana Gusmão, fila fali bá fatin istóriku Paichau hodi fahe memória no konta istória bá jornalista, veteranu no jerasaun foun kona-bá tempu rezisténsia, liuliu prosesu reorganizasaun luta iha Ponta Leste. Vizita ida-ne’e hala’o iha véspera Serimónia Inaugurasaun Monumentu Monseñor Martinho da Costa Lopes, ne’ebé sei realiza iha Mehara, loron 22 Setembru 2026. Bá Xanana, vizita bá fatin istóriku sira la’ós atu rekupera glória pesoál ka hatudu se mak “halo funu”, maibé atu prezerva memória kona-bá povu, kombatente no ema sira ne’ebé, ho sakrifísiu boot, kontinua suporta luta iha tempu ne’ebé situasaun todan tebes.