قرار يا عسكر البارود | كلمات سعد عويض القثامي | اداء فالح بن فصلا

من هاجس لا نخيته فاللوازم يجيب يحرص على نايد الجزلة ويختارها يالله عسى الطيّبه ذا الليل حظ ونصيب لاهل المقام المشرف طالت اعمارها اعداد ما لاح برق وعد ما هل صيب وعداد ما سالت الوديان بأمطارها يا مرحبا بالبعيد ومرحبا بالقريب على صحون الشحم والحيل وفقارها والعود الازرق وريحه زود الطيب طيب ودلال رسلان مصفوفه على نارها ف الحله اللي تنومس كل قلب لبيب للضيف والكيف ماردها ومصدارها عند النشاما ذوي مرزوق سقم الحريب لابة ذوي خالد اللي تحتمي دارها اللابة اللي لهم بالوقت فعل عجيب يشهد لهم غايب العالم وحاضرها باسم الكريم الشجيع اللي مقامه مهيب راع العلوم الجزيله ما بيا غارها الشيخ ابو تركي اللي نظرته ما تخيب ياخذ يمين الدروب ويترك يسارها هذا سليمان ابن مرزوق راس صليب يمشي بشوره وخلا الناس باشوارها وعياله مسنده فاللازمه ما تغيب بالطيب والمرجلة ما يقصر جدارها خوالهم من ذوي باخت ونعم النسيب شيوخ قوم ولا تخشى من اخطارها من فعلهم فالملاقا كل رايس يشيّب وصغارها فالمواقف تخدم كبارها واخوانه دروع جنبه فالنهار الصعيب تفداه بارواحها لا ثور غبارها والليل هذا فرح ومشاركة من صجيب مبروك يا تركي ويا جعل لياليك تطيب والله يتمم لك الرحلة ومشوارها يا عزوتي يا غناتي ماش علم غريب عاش الخلدي فعوله ثابت اشعارها من عزوةٍ لا رمت بالسهم لازم يصيب الناس تعرف فعالها ومقدارها قرار يا عسكر البارود طيب وغصيب افعول الا القثامي شاعت اخبارها واختامها يا صلاتي عد ما هل صيب على الرسول الكريم وصفوة اخيارها