देवी तुझं रूप मला आवडलं सुंदरी | Devi Tuz Rup Mala Avadal Sundari

गाण्याचे बोल: देवी तुझं रूप मला देवी तुझं रूप मला आवडलं सुंदरी आनंदलं मन माझं शुभ्र फूल मोगरी || धृ || अंगावरी साडी चोळी हिरवी हिरवीगार गं नेटकाच बांधा कसा झोक डौलदार गं हळदी कुंकवाचं तेज शोभलं मुखावरी || १ || नथ कुड्या घोस बुगड्या मोतियांचा वेल गं भांगावरी बिंदी शोभे वेणीवरी फूल गं लखलख करिते गं गळ्यातली गळसरी || २ || गोठ तोडे हिरवे चुडे माळेवरी माळ गं हार तुरे डोलती गं पायी वाजे पैंजण वैभवाला पुजू या गं लक्ष्मी तू साजरी || ३ || आनंद भजनी मंडळ, धनकवडी पुणे