39 Brahmcharya Pad | બ્રહ્મચર્ય | Khara Jvane Valurva Sam | Swaroop Aaradhana | Dadashri Pad

જય સચ્ચિદાનંદ. આ અદ્ભુત પદ પરમ પૂજ્ય દાદા ભગવાનના અનન્ય ભક્ત શ્રી ગિરધરભાઈ વાઘેલા દ્વારા રચિત "સ્વરૂપ આરાધના" પુસ્તકમાંથી લેવામાં આવ્યું છે. આ પદમાં દાદા ભગવાને આપેલા બ્રહ્મચર્યના અતિ સૂક્ષ્મ અને સચોટ ફોડ ખૂબ જ સરળ ભાષામાં મૂકવામાં આવ્યા છે. 🎧 *સંપૂર્ણ પ્લેલિસ્ટ અહીં સાંભળો (Listen to the full playlist):* [તમારી પ્લેલિસ્ટની લિંક અહીં મૂકવી] 🌟 *પદનો સાર (Song Essence):* આ પદ આપણને સમજાવે છે કે વિષય-વિકારનું સુખ એ ખરજવાને ખંજવાળવા જેવું ક્ષણિક છે. 3-Vision થકી મોહના આકર્ષણને તોડવું અને જ્ઞાની પુરુષના જ્ઞાન દ્વારા નિર્વિષયી બની સાચા બ્રહ્મચર્યને પામી મોક્ષમાર્ગે આગળ વધવાની પ્રેરણા આ ગીત પૂરી પાડે છે. 🎶 *સંગીત અને શૈલી:* શબ્દોની ગંભીરતાને અનુરૂપ અત્યંત શાંત, વૈરાગ્યપૂર્ણ અને ચિંતન-મનન કરવા પ્રેરતું ભક્તિ સંગીત. *પદ (Lyrics):* ખરજવાને વલૂરવા સમ, વિષયનો વ્યાપાર છે, કલ્પનાના સુખ પાછળ લહાય અપરંપાર છે. પુદ્ગલ તણા સુખમાં, મહાલતાં નરનારીઓ, વિષય ભોગે ભવચક્રના ફેરા ફરે સંસારીઓ. લોકસંજ્ઞે વિષયલોભે, પરવશ બન્યો નરકેસરી, નિજ ભાન ભૂલી રોદ્રધ્યાને, બની રહ્યો નરકેશ્વરી. કમાઈ લાવે પુરુષ પણ, કોણ કરી દ્યે રોટલા? ચૂલો ફૂંકવા જાણી જોઈ, બંધન કરે છે ચોટલા. ગરજા-ગરજી સોદા મહીં, ગ્રાહક-વ્યાપારી સંબંધ છે, મળ-મૂત્રના ખાડા તણું, આકર્ષણ અહો આશ્ચર્ય છે! કેવળ સ્પર્શ સુખની ચાહે, ચર્મ ચૂંથતા કામીઓ, રેશમી ચાદર ઢાંક્યા, હાડ-માંસના પ્રેમીઓ. કળિકાળના બફારામાં, વિષયે સહુ સુખ ખોળતા, અગ્નિને પેટ્રોલ છાંટી, લૈંગિક સુખમાં લોટતા. એક ફેરાના વિષયમાં, કરોડો જીવોનું છે હનન, પંચ મહાવ્રત તૂટતાં, કરતાં વિષયનું આરાધન. ખરજવાને વલૂરવા સમ, વિષયનો વ્યાપાર છે, કલ્પનાના સુખ પાછળ લહાય અપરંપાર છે. પુદ્ગલ તણા સુખમાં, મહાલતાં નરનારીઓ, વિષય ભોગે ભવચક્રના ફેરા ફરે સંસારીઓ. પુરુષ કાજે પરસ્ત્રી અને, સ્ત્રી કાજે પરપુરુષ, મહા રોગ, મહાજોખમ, કહી ગ્યા જ્ઞાની પુરુષ. પરસ્ત્રી કે પરપુરુષના, ભોગવટે નિશ્ચિંત જે, અણહક્કના વિષયભોગે, નર્કગતિ નિશ્ચિત છે. શણગાર સજી બની ઠની, મોહબીજ જે નાંખતી, મહાવીર કહે નારી તે, કર્મો ભયંકર બાંધતી. એક જ પતિ કે પત્ની સંગે, ગૃહસ્થી સાહચર્ય જે, દાદાની છે બાંહેધરી, સંસારી બ્રહ્મચર્ય છે. તાવ ચઢતા ઉભયને, કડવી દવા સમ સેવજો, દંડા મારી પોલીસ કરાવે, મહાપરાણે ઝૂકજો. ખાવું, પીવું, મોજ કરવી, મોક્ષની નડતર નથી, માત્ર સ્ત્રી વિષયને, મોક્ષ મહા અટકણ કથી. રેશમી ચાદર વીંટ્યું, હાડ-માંસનુ પૂતળું, થ્રી-વિઝને જોઈલો, આકર્ષણ જ્યાં-જ્યાં થતું. નાક જે સોડે નહીંને, આંખને જે ગમે નહીં, બુદ્ધિથી વિચારતાં પણ સુખ મહીં દીસે નહીં. ખરજવાને વલૂરવા સમ, વિષયનો વ્યાપાર છે, કલ્પનાના સુખ પાછળ લહાય અપરંપાર છે. પુદ્ગલ તણા સુખમાં, મહાલતાં નરનારીઓ, વિષય ભોગે ભવચક્રના ફેરા ફરે સંસારીઓ. દૃષ્ટિ પડતાં આકર્ષણે, મિઠાશ જે વર્તાય છે, ગંદવાડાની સમજણે, મિઠાશ તે ઊડી જાય છે. જીવવૃદ્ધિ કાજે રચાઈ, વ્યવસ્થા જે કુદરતી, આનંદ કાજે ઉપભોગ અવશ્ય છે અકુદરતી. કુદરત તણા નિયમને, વશ વર્તે અન્ય પ્રાણીઓ, પરવશ કેવળ માનવી, છત્તી આંખે કાણીયો. કુદરતની સામે ચાલતાં, દંડો પડે ભોગવવા, વૃદ્ધત્વ આવ્યે અંગ-અંગ, બંડો પછી પોકારતાં. તીર્થંકરોની જન્મદાત્રી, નર્કખાણ નારી નથી, મનુષ્ય ભવનું નિમિત છે, નારાયણી નારી કથી. કૃપાળુ દેવ પણ વિષયને, વિષ સમ કહેતા નથી, નીડરતા વિષય વિષે, વિષ સમાણી છે કથી. વીતરાગ મળીયા છતાં, કામ ના કાઢી શક્યા, આખું ભાણું ખાઈને, ચટણી કાજ બેસી ર્યા. ચેતનહારા ચેતજો, દાદે રહસ્ય સમજાવિયાં, બ્રહ્મચર્યના બહુ ફોડ આપી, મોક્ષમાર્ગ સજાવિયા. ખરજવાને વલૂરવા સમ, વિષયનો વ્યાપાર છે, કલ્પનાના સુખ પાછળ લહાય અપરંપાર છે. પુદ્ગલ તણા સુખમાં, મહાલતાં નરનારીઓ, વિષય ભોગે ભવચક્રના ફેરા ફરે સંસારીઓ. ✍️ *રચના:* શ્રી ગિરધરભાઈ વાઘેલા (સ્વરૂપ આરાધના) 🎵 *રજૂઆત:* Dadashri Pad #DadaBhagwan #DadashriPad #Brahmacharya #AkramVignan #GujaratiBhakti #SimandharSwami #SpiritualPurity #SwaroopAaradhana #GirdharbhaiVaghela