Xalq deputatlari Jizzax viloyat Kengashining navbatdan tashqari sessiyasi bo'lib o'tdi

Jizzaxda 19-dekabr kuni Xalq deputatlari viloyat Kengashining yettinchi chaqiriq navbatdan tashqari sessiyasi bo‘lib o‘tdi. Unda Bosh vazir Abdulla Aripov ishtirok etdi. Sessiyani Xalq deputatlari viloyat Kengashi raisi Parda Shukurov olib bordi. Kun tartibiga muvofiq tashkiliy masala ko‘rildi. O‘zbekiston Respublikasi Prezidentining tegishli farmoniga  asosan "Hududiy elektr tarmoqlari" aksiyadorlik jamiyati boshqaruvi raisi lavozimida ishlab kelgan Ulug‘bek Mavlonovich Mustafoyev Jizzax viloyati hokimi vazifasini bajaruvchi etib tayinlandi.