【沖繩香檸可樂雞翼】 吮手指食譜 小朋友最愛

每次煮可樂雞翼，小朋友都吃到吮哂手指😆 今次整嘅沖繩香檸可樂雞翼，食落仲多一份清爽香味～飯都吃多2碗😛！ 前排有電視節目介紹過沖繩香檸有好多好處， 所以我都去買嚟試一試～ 沖繩香檸酸含量係一般檸檬嘅2倍，它有「川陳皮素」 是西柚嘅 11倍，可以幫助消除疲勞、改善血液循環和促進新陳代謝🤗～ 仲有多酚類物質，可以改善血壓折制血糖值，減少三酸甘油酯，仲有美容有效果✨！ 材料： 急凍雞中翼...........8隻 香檸汁.........2湯匙 原味可口可樂........1罐（200ml） 薑片.........3片 蒜頭........2粒 乾蔥頭..........2粒 紹興酒.......1湯匙 老抽........1/2茶匙 白芝麻........少許 醃料： 生抽........2茶匙 蠔油......1茶匙 胡椒粉.......少許 生粉........1茶匙 做法： 1. 急凍雞翼洗一洗，浸水至半解凍，加入2茶匙鹽攪勻，浸至完全解凍去雪味。蒜頭拍扁。 2. 雞翼吸乾水份，加入醃料醃半小時。 3. 在鑊中下少許油，放入薑片，加入雞翼，中火煎至兩面上色。（約5分鐘） 4. 灒紹興酒，加入蒜頭和乾蔥頭，淋上香檸汁和可樂，中火煮，慢慢收汁。 5. 收汁到一半，加入老抽調色，煮到汁濃，全程收汁煮約12～15分鐘，盛起撒白芝麻即成。 💡小貼士： ✅買不到香檸汁，用新鮮沖繩香檸都得。 ✅可樂用原味，不要用減糖或無糖可樂。 #沖繩香檸可樂雞翼 #簡易食譜 #家常小菜 #misstalovecooking