Fileto pule te mbushura - sekreti i një shijeje që të lëpini gishtat nga shefja Albana Mançja

Fileto pule te mbushura - sekreti i një shijeje që të lëpini gishtat nga shefja e kuzhinës Albana Mançja Përbërësit: 4 fileto pule DIMAL 150 gr djathë kaçkavall 1 tufë majdanoz 3 thelpinj hudhër Kripë Piper i zi Erëza Për patatet: 600 gr patate Kripë Vaj Majdanoz i thatë Për majonezën e shtëpisë: 1 vezë 1 lugë gjelle mustardë 2 lugë gjelle uthull Vaj sipas nevojës Kripë Piper i zi 3 thelpinj hudhër Përgatitja: Presim gjokset e pulës në fileto dhe i rrahim lehtë me çekiç mishi, pasi t’i kemi mbuluar me qese kuzhine. I marinojmë me kripë, piper të zi dhe erëza italiane. I lëmë për 30 minuta. Përziejmë djathin e grirë me majdanozin e grirë dhe hudhrën e shtypur. Vendosim mbushjen mbi çdo fileto dhe i mbështjellim në formë roleje. Presim patatet në feta, i vendosim në tavë dhe i spërkasim me kripë, vaj dhe majdanoz të thatë. Radhisim roletë e pulës mbi patatet. Përgatisim majonezën duke rrahur vezën me mustardën, uthullën, kripën, piperin, hudhrën dhe vajin, të cilin e shtojmë gradualisht derisa të krijohet një masë kremoze. Lyejmë roletë me majonezën e përgatitur. Pjekim në furrë të parangrohur në 180°C për 40 minuta. Në fund shtojmë djathë të grirë sipër dhe i pjekim edhe 5 minuta në 190°C. “Mes’dritë”, emisioni që e nis ditën me informacion, aktualitet, histori njerëzore, këshilla dhe tema që na prekin të gjithëve. Nën moderimin e Alma Çelaj, “Mes’dritë” ju shoqëron nga e hëna në të shtunë, ora 09:00-12:00. Një mëngjes i nisur ndryshe, me një përzgjedhje të pasur temash sociale, aktuale dhe me energji të mirë. #vizionplustv #mesdrite #almacelaj