ليه بنحس إننا متأخرين عن غيرنا؟ غلطة كلفتني شهور | Vlog 7

عمرك حسيت إنك متأخر في حياتك؟ وإنك لازم تنجح وتعمل فلوس وتحقق حاجة كبيرة في أسرع وقت ممكن؟ بتفتح السوشيال ميديا تلاقي ناس أصغر منك حققت نجاحات كبيرة، وناس بتكسب بالدولار، وناس بدأت مشاريع وحققت أحلامها.. فتبدأ تقارن نفسك بيهم وتحس إنك لازم تلحق. أنا مريت بالإحساس ده، وخلاني أجرب مجالات كتير، من البرمجة والديزاين والإيديتنج لحد الـ AI Automation، وكل مرة كنت فاكر إني لقيت الفرصة اللي هتغير حياتي. لكن وسط محاولاتي إني أوصل بسرعة، اكتشفت إني كنت بخسر وقت ومجهود، وبضحي بحاجات مهمة في حياتي، والأهم إني بدأت أفقد إحساسي بالاتجاه اللي عايز أمشي فيه. في الفيديو ده بحكيلك عن تجربتي مع الاستعجال، والمقارنة بالآخرين، والتشتت بين الفرص المختلفة، وإزاي بدأت أفهم نفسي واهتماماتي بشكل أفضل. هنتكلم عن: ليه بنحس إننا متأخرين عن غيرنا؟ إزاي المقارنة بالسوشيال ميديا بتأثر على قراراتنا؟ ليه بنبدأ مجالات كتير ومش بنكمل فيها؟ إزاي تفرق بين التجربة بحثًا عن نفسك، والتنقل المستمر بسبب الاستعجال؟ إزاي تدي لنفسك فرصة تفهم إنت عايز إيه فعلًا؟ مش معنى إنك تطمح لحياة أفضل إنك لازم تستعجل، ومش معنى إن غيرك وصل قبلك إنك متأخر. يمكن مش محتاج تبدأ من الصفر في طريق جديد، يمكن محتاج تهدى شوية وتبص للحاجات اللي في إيدك. ﴿وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا﴾ لو بتمر بنفس التجربة، شاركني في التعليقات: إيه أكتر حاجة حسيت إنها شتتتك أو خلتك تستعجل في حياتك؟ *اعقلها وتوكل. ❤️* #تطوير_الذات #الوعي_الذاتي #علم_النفس #رحلة_التغيير