Mirëqenia mendore në jetën moderne | seminar Tiranë, 13 dhjetor 2025

Ky seminar mbi mirëqenien mendore u zhvillua në Tiranë më 13 dhjetor 2025 dhe i kushtohet ngarkesës së padukshme mendore që shumë njerëz mbajnë çdo ditë pa e kuptuar. Stresi kronik, ankthi i heshtur, lodhja emocionale dhe mendimet që nuk ndalen nuk janë dobësi personale, por sinjale të një mendjeje që ka qëndruar për shumë kohë në mbijetesë. Në këtë takim u trajtuan: – pse ndihemi të lodhur edhe kur “çdo gjë duket në rregull” – si grumbullohet tensioni emocional në trup dhe mendje – si të dallojmë stresin funksional nga ai që na dëmton – hapat e parë praktikë për çlirim emocional dhe vetë-rregullim Gjatë seminarit u bë edhe prezantimi i librit “Merru me veten”, një udhërrëfyes praktik për vetë-terapi, reflektim dhe pastrim emocional. Libri fokusohet në marrëdhënien që kemi me veten, mënyrën si flasim me mendjen tonë dhe si të dalim nga ciklet e mendimeve dhe emocioneve që na mbajnë të bllokuar. Ky nuk është një mesazh motivues i shpejtë, por një ftesë për të ndalur, për të dëgjuar veten dhe për të marrë përgjegjësinë për mirëqenien mendore. Nëse ndihesh i lodhur pa arsye, i tensionuar nga brenda ose emocionalisht i mbingarkuar, kjo përmbajtje është për ty.