Chapter 02 | Manzil Aur Manzar | منزل اورمنظر | Video Book: Manzil Se Aagey

Kabhi esa hua k achanak naimato k ehsaas Se ya Allah ki qudrat k nazaro Se ya Zindagi Mai Kuch esa ajeeb waqea ho k jazbaat ubhar aen rongte kharre hojaen ankhen Bhar aen... Angrezi Mai isko kehte hen Feelings Se overwhelm hojana. Kia ye ap ne kbhi experience kiya? Agar nahi kiya tow Koshish kren k abhi ya Kisi bhi waqt thorra sa Dil ki tawajjo k Sath Jo Jo naimaten Apke pas is waqt mojud hen Jo ap ne Allah Se mangi aur unke lye koshishen ki Jo k har Kisi ko naseeb nahi aur Bohot si esi naimaten bhi Jo ap ne Allah Se, na mangi na unke lye Koshish ki aur phir bhi apko Mili hui hen, jinse Bohot Se doosre log mehroom hen... Esi Chand naimato ko sochen aur tah e dill Se Unka shukar kren aur is baat k yaqeen k Sath k Allah ne apko is naimat Se nawaza he aur sache Dil se shukar krna naimat ka Haq ada krna he aur isi Se naimato Mai aur izafa hota he... Ye choti si effort kren shaed ap bhi us feeling ko experience kr saken. Mere Sath abhi esa hi hua tow Socha is haseen ehsaas ko share kiya jae q k mene dekha he safar mai Bohot log isse guzarte hen aur samjh nahi patay k ankhen q nam horahi hen Rona q araha he... Shukar ki is kefiyat ko pohonchne ka aik aur tareeqa ya Rasta Jo mene experience kiya he wo he "nature ki Manzilo ka safar tey krte hue baghair man made distractions k manazir ko unke husun aur Jamaal Mai dekhna aur appreciate krna..." Aj k is video book k chapter ka Mozu he : "Manzil aur Manzar" Safar mai her waqt do cheezain parallel chalti rehti hen — ek manzil, jahan tak pohanchna hota he, aur doosra manazir, jo raste mai dikhai dete hen. Zindagi ki misaal bhi kuch isi tarah hai. Humari nigah zyada tar manzil pe hoti hai — degree, naukri, shadi, paisa, ghar, business, success… magar asal mai jo manazir hum raste mai dekhte hen, wahi us safar ka aur zindagi ka asal husn hotay hen. Safar k doran kai dafa aesa hota he k manzil se zyada yaad manzar reh jata he ya highlights us safar ki aksar raste k waqeaat ban jate hen.. Kisi jheel ka thanda pani, kisi Sathi ki bike ka kharab hona, pareshani mai baqio ka hansi mazaq, kisi paharr pe chaate hue badalo ka manzar, ya kisi choti si waadi Mai Azan Dena... Manzil pohanchne k baad aksar wo destination ki excitement kuch din mai khatam hojaati hai, magar safar ki yaadein hamesha dil mai basi rehti hen. Yahi waja he, mujhe lagta hai k manzil aur manzar ka taluq bilkul rooh aur jism jesa hai. Dono aik dosray k baghair adhoore hen. Manzil k baghair safar k manazir be-maqsad lagte hen, aur safar k manazir k baghair manzil be-ruh... Qur’an mai bhi Allah baar baar manazir ki taraf tawajjo dilata hai: "Kya tum dekhte nahi ke Allah ne untt ko kaise banaya, aasman ko kaise buland kiya, pahadon ko kaise gaarrha, aur zameen ko kaise bichhaya?" (Surah Al-Ghaashiyah 17–20). Ye ayat bhi yehi batati hai k safar mai manzar sirf scenery nahi, balke Allah ki ayaat hain jo humein Allah ki qudrat ki taraf mutawajje krti aur sochnay par majboor karti hen. Mujhe zindagi k safaron mai bhi yehi sabaq mila — manzil aksar ek check box hoti hai: haan yeh jagah dekh li, ye route cover krlya, ye biking milestone achieve krlya... Magar manazir dil ko hila dete hain. Wo ehsaas dete hain k Allah kitna azeem hai aur hum kitne chhote. Aur shayad isi liye humari aankhen ese haseen manazir dekh k nam ho jati hen, kyun ke bekhudi ki is kefiyat Mai rooh apne Rab ki taraf khinchti Chali jati hai... Is chapter mai jo visuals aap dekhenge, wo sirf paharr, darya aur waadiyaan nahi — balke wo yaad-dihani hain k manzil aur manzar dono ki apni apni ahmiyat hai. Lekin asal kamyabi ye hai k hum manzar mai Allah ka husn pehchanein aur manzil tak pohanch kar shukar ada karein. Agar aap agle safar mai is nazariye se dekhein, tow aapko lagega k har manzar ek paighaam hai aur har manzil ek naya aghaaz. Duao ka talabgaar, Hamza Hashmi 21 July, 2025 Kaalu Wala kals Se Khanda ka Safar #mountains #pakistan #hventure