عقرب الساعه 2026 | اسامه الجامعي & خالد ال بريك | حصرياً

#خالد_ال_بريك لافرع الليل واحجابه تغشى النهار ينتابني شي فالخاطر محد يعلمه من يحسب الليل ساتر وين هاك الستار ؟ مايكشف الجرح غير الليله المظلمه اسهر واشوف النجوم الي بوسط المدار امعلقة كنها فاتورةٍ في سمة كثر انتظاري يعيشني ف عيشة دمار والحلم نبنيه لكن الزمن يهدمه شف عقرب الساعه الي سمها الانتظار اخطر من الي يشيل السم داخل فمه الوقت منهج وتاثير الزمان اختبار الجاهل اترسبه والعاقل اتعلمه عشت الحياه الصعيبه ماعكست المسار والي يعكس المسار يخالف الانظمه حرب الليالي سوات الحرب في قندهار وانفوسنا طيّبه وايامنا مجرمه الوقت يضحك ونعرف وجهه المستعار واليا ظلمنا نعيش العمر مانظلمه لاتعتذر ماندور من طرفك اعتذار اتقدم العذر ولا منته امقدمه ترمي ظهور الاوادم مثل رمي الجمار ورميك مهو مثل رمي العالم المحرمه يالايمي لاتقول العلم وش لون صار اظروفنا قاسيه واجروحنا مولمه وان قالها الله عن ايامي ل افك الحصار واجعل جيوش الليال السود مستسلمه واعيش عيشة بطل مع لذة الانتصار والمنتصر فالزمان الشين من يهزمه ؟ قرب لي الدله ام الكيف وام البهار فنجالها مر لكنه ياحلو اطعمه عندي مهمه كبيره في مديح الكبار لابد اخلد واسطر فيهم الملحمه الفكره النادره والوصف والابتكار ماتنكتب غير ف الي جعلني ماعدمه عبد الله ابن فهد قرمٍ وشباب نار في قمة العز والامجاد رز اعلمه يمناه تكرم ضيوفه من جميع الديار حتى الكرم كرمّه وازداد فيه اكرمه فيه القبول المريح وفيه طيب ووقار وله هيبةٍ مثل هيبة قاضي المحكمه اليا تكلم تلاحظ فيه اداب الحوار ماودك الا تسولف معه واتكلمه ذكره مشرف ف علم الطيب ولا العقار وسوق العقار اسم عبد الله يزيد اسهمه واخوانه احزامه ان لف الزمن واستدار الطيب فيهم سمه والجود فيهم سمه والصيت والمجد والتمجيد والافتخار للي تفاخر به الحرث بما قدمه محمد اسمه جزيل ومنجزاته شعار وامحققٍ حلمه الي من قبل يحلمه يبذل جهوده لكسب الكايده ب اختصار ويستاهل النجمه ويستاهل الاوسمه ارهى على الفعل في خدمة طوال العمار وقدم فعوله على عشان الوطن يخدمه حرٍ طلوعه يحفز به عيال الحرار وقصة نجاحه تعد (القصه الملهمه) رباه شيخٍ صدا سمعته في كل دار معروف بالخير ياجعل الولي يرحمه يفرح ببذل العطا ويحب حسن الجوار ويفزع مع المشتحن من قبل لايزهمه الحارثي فعله مجمل وصيته عمار ولا خاب منهو يحط الحارثي محزمه بلحارث بكل مجد يصدرون القرار وامجادهم بالفعول الندّر امختمه جمرة عرب نارهم للخصم تقدح شرار ومن طاح في نار بلحارث يروح افحمه من عقبهم شعو العالم بكلمه شنار ومن قبلهم كانت الكلمه بلا ترجمه ب افعالهم ترجموها وابتدا الانتشار لين اصبحت فالبلاد الكلمه امعممه هم حاكمين الفعول ومسرجين المهار ومن يجهل افعال بلحارث لايفتح فمه