今年最火嘅生意，批量倒閉！幾千蚊開鋪月入兩萬？拼豆創業神話拆穿：九成新店半年內執笠！由排隊王變轉讓王，快過打針。風來得快去得更快。#拼豆 #網紅 #投資 #賺錢

幾千蚊本錢，月入兩萬？2026最癲創業神話「拼豆」——排隊排到腳軟，執笠執到心寒！ 你仲以為而家最好賺系賣奶茶、賣咖啡？錯喇，而家最癲系一手袋彩色膠豆。成本兩三蚊，賣你六七十，老細笑住袋你六十五，仲要扮到含淚賺少少？妖，含淚嗰個系你呀。小紅書「我染上拼豆」瀏覽量講到67.8億，抖音拼豆話題超過670億次，平均每個中國人刷到48次，數據靚到閃盲眼。但另一邊呢，九成新開拼豆店半年內執笠，八成新手三個月蝕到貼轉讓，全行盈利概率得兩成左右。呢盤生意，究竟系印鈔機，定系絞肉機呢？邊有咁大隻蛤乸隨街跳呀，老友唔好急住，聽我慢慢拆。 拼豆系乜？講白啲，就系一粒粒彩色塑膠小豆，跟住圖紙放上底板，排好圖案，再用熨斗或者燙豆機加熱，等豆同豆融埋黏實，最後拎起一幅巴掌大嘅像素畫。以前西方國家拎嚟畀老人家做訓練，唔知幾時開始呢，變成後生仔新寵。一張枱、一個熨斗、一堆膠豆，就可以令人坐足三個鍾唔挪位。你話神奇唔神奇？更神奇系，成本幾蚊雞，收你69蚊，老細袋65蚊，仲有人吹到靠呢啲豆月入十萬。聽到呢度，系咪已經覺得個心痕痕？ 過去一年呢，拼豆火成點？小紅書「我染上拼豆」話題瀏覽量突破67.8億次，抖音拼豆主題話題超過670億次，呢個數誇張到好似全中國個個都刷過幾十次。流量風生水起，資本點會放過？有研究院數據話，今年1至5月，全國註冊咗1400幾間拼豆相關企業。你可能會話，1400幾間啫，濕濕碎啦。但再睇另一組：2016到舊年，成十年加起身，拼豆相關企業註冊量只得157間。即系話呢，五個月新增嘅數量，仲多過過去十年9倍有多。呢啲唔系豆，系印鈔機呀。電商數據又話，2022年主流平台拼豆銷售額2.9億，同比升近9倍；今年春節，抖音帶拼豆團購訂單量暴漲9000%幾，翻咗90倍，堪稱線下消費增長之最。數字講到咁靚，難怪個個都覺得執到寶啊。 但風口呢家嘢，來得快，退得更快。行業數據一盆凍水照頭淋：九成新開拼豆店活唔過半年，八成新手三個月內蝕本轉讓，全行業盈利概率只得2成左右，即系每10間有8間蝕錢。平台上已經唔少老細發轉讓帖，豆子論斤賣，燙豆機幾十蚊一張，甚至免費送。更誇張嘅系，只要你肯畀兩個月租金押金，店入邊所有設備工具全部送，接手即開。短短幾個月，拼豆店由風口上嘅印鈔機，變成甩唔開嘅燙手山芋。執輸行頭慘過敗家，但沖得太快嗰班，往往就系接火棒嗰班。 點解會火呢？第一浸梗系情緒價值。一代人有一代人嘅十字繡，後生仔花幾十蚊，表面買一堆豆，實際上買兩個鍾唔使回微信、唔使刷短視頻、唔使諗工作、唔使內耗嘅時間。中青校媒調查都話，超過六成後生仔享受拼豆過程嘅專注同放鬆。加上天然社交屬性，朋友、情侶、親子一齊拼，拼完仲可以打卡發朋友圈，社交貨幣都賺埋。第二浸系創業門檻低。唔計租金裝修，兩三萬就可以買齊原料設備，有人甚至5000蚊就入場。毛利呢？一級拼豆入貨30蚊左右，可以拼出幾十件小型作品，一件賣30至40蚊，材料成本只系3至5蚊。唔計人工租金，毛利穩企8成至9成。有老細連開6間，一個月回本；風口期仲有開業第一日收入8000、七日打造月入五位數嘅神話。對於大學生、寶媽、副業黨，呢種低門檻高回報，誘惑力簡直爆燈。 第三浸呢，平台算法推波助瀾。小紅書拼豆教程、拼豆圖紙鋪天蓋地，抖音探店、創業vlog輪番轟炸，平台仲搞拼豆大賽，一場線下活動吸引兩萬人參與。天時地利人和齊曬，拼豆直接原地起飛。唔到半年呢，新增1400幾間相關企業。嗰陣開拼豆店，周末基本爆滿，排隊一兩個鍾都系常態，成條街都似遍地黃金。但黃金未執熱，執笠潮就殺到。有數據話，九成新開拼豆店活唔過半年，有店開唔到兩周就貼轉讓，燙豆機、200幾色拼豆全部清倉，198蚊包郵送工具。杭州湖濱銀泰in77附近，半年內新開十幾間拼豆店，到今年3月淨返3間仲營業，執笠率超過八成。由排隊王變轉讓王，真系快過打針啊。 點解短短幾個月就爆煲？最核心系供給爆炸，內卷打到飛起。拼豆剛火嗰陣，一般收69.9、79.9，大家都覺得有肉食。創業者一窩蜂湧入之後，味道就變。有人降到49.9，對面即刻39.9，再落29.9。今年下半年呢，湖北某四線城市做到19.9拼一日，濟南更誇張，出現9.9親子套票，純純蝕本賺吆喝。你可能會話，平啲唔好咩？薄利多銷呀。但拼豆有個攞命問題：佢本質上賣嘅系座位。你有一間20平方米、8個座位嘅拼豆店，理想狀態每日翻枱5批，每單40蚊，一日營業額1600，一個月4.8萬。但現實系周末爆滿，工作日空一半，平均上座率有六成就偷笑喇。再加客單價腰斬，營收直接斬半。19.9拼一日，可能連材料成本都賺唔返。南昌有老細舊年底開業時，商圈只有5間拼豆店；到今年7月轉讓時，周邊已經冒出40幾間，有人定價19.9一日。你話呢場仗點打？搵笨都唔系咁搵。 更痛心系，哪怕拼豆價格再降，仲系有人覺得貴。電商平台200幾蚊可以買到200幾色套裝，熨斗、拼豆筆、拼豆板、燙布齊全，拼幾次就回本。顧客唔會因為你租金貴、人工貴，就開心接受貴幾倍嘅價格。跟住就講到第二點：睇似暴力嘅拼豆店，其實收埋住一堆隱形成本。前面講大幾千、一兩萬開一間，系唔計租金同人工。實際執行，租金先系第一刀。人流量高嘅位置，商圈、學校附近，一個月動輒大幾千甚至上萬。跟住系人力，你冇可能全程畀顧客自己燙，萬一燙壞燙傷，都系手尾，要請人幫手操作燙豆，一個人人工又幾千。仲有材料損耗，豆子灑到一地、燙壞返工、模板損耗，全部系真金白銀。尤其今年7月，國家市監局發公告，將拼豆納入3C強制性認證管理範圍，特別針對14歲以下兒童使用嘅拼豆產品，必須通過3C認證先可以銷售。即系話呢，以前時蛋搵義烏廠家入啲豆就開賣，而家要合規資質，入貨成本只會更高。有老細計完賬，扣完租金、水電、原料損耗，一個月純利3000，仲不如去打工。妖，真系離曬大譜啊。 第三點，拼新鮮感嘅生意，最缺復購率。大多數玩拼豆嘅人呢，都系嘗鮮、跟風。好多店主都話喇，顧客就算上頭，熱情通常唔超過兩個月。新鮮勁一過，興趣即時跌，冇二次消費。呢種靠新鮮感撐起嘅網紅生意，火得快，涼得更快。類似案例多到數唔曬。前幾年流體熊，一隻純白小熊，淋顏料靠流動性自然成紋，主打獨一無二藝術感。最火時一隻賣兩三百，門店熱銷上百隻，全國各地瘋狂開店。結果唔到半年就開始涼，門檻太低，電商20蚊買套材料自己喺屋企做，線下店迅速失去優勢。短短兩個月呢，好多門店由熱銷百隻跌到月售十幾隻，最後清倉處理。仲有tufting簇絨地毯、扭扭棒、忌廉膠等等，本質上同一套劇本：小眾興趣被網紅博主帶火，算法集中推流，短時間巨大流量；創業者跟風開店，造富神話進一步放大流量，行業快速擴張；跟住供給過剩，熱度消退，門店批量執笠，留低一地雞毛。走得快好世界，走得摩冇鼻哥，呢句真系冇講錯。 其實睇到人地賺錢，邊個唔心郁呀？總想搞一個低投入高回報嘅生意仔。但講真啦，呢件事好睇眼光同入場時機。如果一個賺錢門路冇門檻，而且人人都知道，咁紅利基本見底，再盲目沖就系入去接盤。就好似網友總結：普通人、唔使排隊、有好處，三樣嘢唔可能同時出現。做生意終究要算經濟賬，賬本算清楚，風險撐唔撐得住？有冇人地搶唔走嘅絕活？睇唔清呢啲底牌，好可能就系去畀市場湊紅包錢。拼豆呢堂課，唔系教你唔好玩，而系教你唔好聽到「月入兩萬」就沖昏頭腦。豆仔雖然細，蝕起上嚟一樣可以一頸血啊。