النور المبين | الرادود صالح المؤمن - الشاعر حسن المعيبد - عزاء النور المبين 1445هـ

قصيدة النور المبين الرادود صالح المؤمن الشاعر حسن طاهر المبعيبد مكساج / جهاد الحداد مونتاج / مازن الأحمد موكب شهداء الطف عزاء النور المبين 1445هـ مجلس الأنوار الفاطمية كلمات القصيدة يا أيّها النورُ المبين .. هبني من الحبِّ اليقين من حيرتي .. من غربتي .. خذني إلى حيثُ (الحُسين) (١) بظلام (المارقين) اركض .. إلك حتى انحسب (لاحق) ولأن طبع الدموع الوان .. اجيتك تصنع الفارق اصبغ عمري وايّامه .. بـ(جروح احسين) يـ(الصادق) واذا الواثق ملِك يمشي .. أريد ابچي عبِد واثق يا صادقَ الآلِ الكرام .. خُذني على صِدْقِ الغرام! مبايعًا .. وتابعًا .. والدمعُ عهد (الصادقين) (٢) أسلك يا درب محتار .. و اوصل يم (لمگطّع) توزّع جسمه فوگ الگاع .. الجهات اهناك مو أربع ! مفهوم (الجزع) فضفاض .. البعض يختصره بالمدمع لذلك جيت يـ(الصادق) .. تعلّمني بصدِق أجزع! يا نادبًا: (هل مِن جزوع) .. صحح مسارات الدموع خذ دمعتي .. في نُدبتي .. تقفو صدى (هل من معين) (٣) عليك (احسين) علّمني .. ما لا بـ(الحُسين) اعلم أريدن أفهم اجروحه .. حتى ابچي دمع يفهم حدر ضلعيني يـ(الصادق) .. اذا بيهن طفى المأتم تحط جمره لعتب دارك .. وجمره لنارِ لمخيّم فاشدد على الضلعينِ ثار .. واشعل هنا نارًا بنار لا ينطفي .. الحب الوفي .. المشبوب فوقَ الجمرتين (٤) انا من فاضل اترابك .. تغرني الدنيا واتغرّب رد اعجنّي يا مولاي .. بتُراب الخدِّ لمترّب يا أقرب جرح لـ(حْسين) .. اجيتك رايد اتقرّب المسافه لكربلا تنقاس .. اشكثر باچي لوجع (زينب) خذ قلبي المدمى التريب .. طفلًا بأطفال الغريب كيما أعي .. في مدمعي .. تغريبةَ الدرب الحزين! (٥) سفينة عمري لا تغرگ .. ببحر اذنوبي واطماعي بخيط امن الخيم ردتك .. تجيني تخيط اشراعي إخذ گلبي وخل (احسين) .. وحّد رجفة اضلاعي خلّيني بـ(بريد الطف) .. أگطع هالعمر (ساعي) هبني كمالَ الإنقطاع .. فالعبدُ في بحرِ الضياع! موجٌ طمى .. يبن السما .. ومأتمُ السبطِ السفين! (٦) يا ريت اعله ظهري السوط .. واجي لدرسك يبو الكاظم تعلّمني بخدمْة (احسين) .. شنو اللازم ومو لازم إطوي بعمري التقويم .. واخذ يـ(الصادق) الخادم منّ (امحرّم) الماضي .. لحضن (امحرّم) القادم فالعمرُ: أيامُ العزاءْ .. والأرضُ تعني: (كربلاءْ) درس الهوى .. من (نينوى) .. باقٍ على مرِّ السنين حسن طاهر المعيبد ١٤٤٥