وصية الصادق | الرادود علي الاحمد - الشاعر إبراهيم الدريس - عزاء النور المبين [الثالث] 1447هـ

قصيدة : وصية الصادق أداء الرادود ملا علي الأحمد الشاعر إبراهيم الدريس الأحسائي عزاء النور المبين [ الثالث ] تصوير عبدالله السيهاتي مونتاج طلال الحسن مكساج عبدالمجيد الشهاب موكب شهداء الطف مجلس الأنوار الفاطمية سيهات الكوثر عام 1447 هـ كلمات القصيدة رايد خدمه يحبابي إنسُوا جرحي و امصابي إهدولي وَلَو دمعه على احسين بس هوه اللي يستاهل بجي العين &&&&& عندي وياكم طَلَب ابدمعةِ اعيوني انكِتَب عوفوا يا شيعةْ علي جرحي او عذابه إذكروا الشيب الخضيب و ابجوا عالخدِّ التريب او دمعه إهدولي على احسين او مصابه نوحوا عالصعدت هِزِل او جَتِّفَوا جفها ابحَبِل ورده ضربوها او بكت تصرخ يا بابه او خَلُّوا مدمعكم يِصُب بالله عالشِّبْعَت ضَرُب او نزِّلُوها من بعد عزها ابخرابه آنه او باخِر أنفاسي كام او يهتف إحساسي عوفولي البجي اعليه و لونين بس هوه اللي يستاهل بجي العين &&&&& آنه يا شيعه امن أموت بالحزن يتعاله صوت او هذا نعشي ناسي و أهلي ايشيِّعونه مو مثل جدي الحسين ما أحد غمَّضله عين او بعد ذبحه بالحوافر يسحكونه يم خواته ينذبح او دمه من نحره يِسِح او حته ثوب اللي عليْهِ ايسلِّبونه خنصره هم ينكطع ابرمح راسه يرتفع او عمِّتي زينب مَتِنْها يضربونه آنه ما أظل عاري و لا ايجَفِّنِّيِ الذاري جرح احسين وين امصيبتي وين بس هوه اللي يستاهل بجي العين &&&&& بويه گَلِّي اعله الجره اخيام جدي اموجَّره او زينب الحره صُفت ما عدها حيله اتلِمْهِن اشلون الزَّغَار ابكل كتر مشتعله نار إلوسيله عدها ما ظلت وسيله طفل يركض من رعب ثاني طاح اعله الترب او داسته احوافر فرس كلش ثجيله و العليل ابدمعته صار ينظر عمِّته او كَلْها حيرتنه تره اهوايه طويله بويه گَلِّي عالغبره اجسوم اعزازي متنثره او محروكات بالنار الصواوين بس هوه اللي يستاهل بجي العين &&&&& او گَلِّي بويه من إجت للنهر زينب صُفت اتنادي خويه او تلطم الراس ابإديها ميِّت انته لُو عَدِل شوف بيدَيَّه الحَبِل تره إختك آل أميه امكيِّدِيها ابلا ذنب خويه او جُرُم السوط وَصَّل للعَظُم او عيني راحت يا بو فاضل من بجيها كلبي جالخيمه احتِرَكـ او حلمي كدامي انسِحَكـ روحي تنخه اشلون او ما يفزَع وِليها خويه يا ضُوه الناظر انداس احسينك ابحافر و آنه دَخِّلُوني ابنص دواوين بس هوه اللي يستاهل بجي العين &&&&& ليه ما ذبحَوا طفل ظامي يا شيعه ابنَبِل امصوِّب اعله اعيوني لـ آخر لحظه عينه عمِّي عبدالله ابسهَم ابكربله وسفه انفُطَم او حرمله ابهذا السهم سَكَّت وِنينه مصرع الطفل الرضيع يمه عرش الله صريع او جِرَح كلب العايله او حامي الظعينه يوم حس ويلي الطفل إبحرارَةْ هالنَّبِل على رُكْبَةْ والِده لن مدِّ إيدينه مصرع عمِّي عبدالله تارك بالكلب عِلَّه جرحه كاسر اكلوب القرائين بس هوه اللي يستاهل بجي العين &&&&& آه من شام الألم جِرْحَت اهواي الحَرَم او بيها شافت بت علي أعظم أذيه استقبلوهم بالدفوف و اللي ما يسوه يشوف صار طول أم الحجاب ابلا حميه وين أهلِج و الزِّلِم ابعينِج الهم منرسِم ايكلها شامي او ناده ها يا خارجيه اعزيزَةِ احسين الذبيح يضحك اعليها او يصيح ليش كِلِّيلي الأبو مو يم رُقيه ورده او ذبلت ابسرعه مو مالَةْ سبي او صفعه مَدَامِعْها اِشْعَلَت بالروح نارين بس هوه اللي يستاهل بجي العين &&&&& خادم الصادق (ع) : الشاعر إبراهيم الدريس