"Башында баары каршы болгон" | "Эко саман"

"Эко саман" компаниясынын негиздөөчү Айбек Шаршенбаев эң алгач самандан үй салам дегенде ата-энеси баш болуп баары каршы чыккан. Бирок ал Германияда миграцияда жүргөндө кызыгып калган бул технологияны жасап көрмөкчү болуп, көздөгөнүнөн кайткан эмес. Өзүнө, инисине, кийин досуна саман үй салгандан кийин алгачкы кардары пайда болгон. Азыр ал салган үйлөр 40тан ашты. "Бизнесте" бул ирет кышы жылуу, жайы салкын, тез бүтүп, үнөмдүү келген саман үй куруу технологиясы жөнүндө кеп кылат.