దుర్గాభవాని యూత్ - గరువుపాలెం వారి 31వ దుర్గమ్మ ఆగమన మహోత్సవం | గరువుపాలెం | పొన్నూరు

🙏 గరువుపాలెంలో అంగరంగ వైభవంగా దుర్గమ్మ ఆగమన మహోత్సవం! 🙏 గుంటూరు జిల్లా, పొన్నూరు నియోజకవర్గంలోని గరువుపాలెంలో దుర్గాభవాని యూత్ వారి 31వ దేవీ శరన్నవరాత్రి మహోత్సవాల్లో భాగంగా నిన్న దుర్గమ్మ ఆగమన మహోత్సవాన్ని అత్యంత వైభవంగా నిర్వహించారు. భక్తుల జయజయధ్వానాలు, మంగళవాయిద్యాలు, ప్రత్యేక కార్యక్రమాలతో గ్రామమంతా ఆధ్యాత్మిక శోభను సంతరించుకుంది. ఈ మహోత్సవానికి ముఖ్య అతిథిగా విచ్చేసిన పొన్నూరు నియోజకవర్గ ఎమ్మెల్యే శ్రీ ధూళిపాళ్ల నరేంద్ర కుమార్ గారు అమ్మవారి ఆగమన కార్యక్రమంలో పాల్గొని ప్రత్యేక పూజలు నిర్వహించారు. ఈ వేడుకల్లో వివిధ అమ్మవారి వేషధారణలు, గ్రామ మహిళల కోలాట ప్రదర్శనలు, కన్నుల పండువగా క్రాకర్స్ షో ప్రత్యేక ఆకర్షణగా నిలిచాయి. భక్తుల ఉత్సాహం, సంప్రదాయ కళారూపాలు, అద్భుతమైన వేడుకల నడుమ దుర్గమ్మ ఆగమన మహోత్సవం అంగరంగ వైభవంగా అంబరాన్నంటింది. జై దుర్గా భవాని! 🙏🚩 📍 గరువుపాలెం | పొన్నూరు నియోజకవర్గం | గుంటూరు జిల్లా