Ware Manlikheid | Ware Vaderskap | Brultyd

Wat beteken dit vandag om werklik ’n man te wees — en wat maak iemand ’n ware pa? In hierdie episode van Brultyd gesels ons verder oor vaderskap en kyk ons na die boodskap van Oom Cassie Carstens – The World Needs a Father, met die fokus op Real Manhood, Real Fatherhood. Die wêreld het baie idees oor manlikheid, maar die Bybel wys vir ons ’n ander prentjie. Paulus roep mans om wakker te wees, vas te staan in die geloof, sterk en moedig op te tree — maar om alles in liefde te doen. “Waak, staan vas in die geloof, wees manlik, wees sterk. Laat alles by julle in liefde geskied.” – 1 Korintiërs 16:13–14 Ware manlikheid gaan nie oor aggressie, beheer of om die hardste man in die kamer te wees nie. Dit gaan oor verantwoordelikheid, karakter, selfbeheersing, beskerming, diensbaarheid, liefde en teenwoordigheid. ’n Ware pa is nie net iemand wat ’n kind verwek het nie. ’n Ware pa staan op, bly staan, lei, beskerm, bemoedig en wys die volgende generasie hoe ’n man van God leef. Ons vra in hierdie gesprek: Wie leer vandag ons seuns hoe om mans te word? As vaders nie hulle seuns leer wat ware manlikheid beteken nie, sal die wêreld dit vir hulle definieer. 🔥 Die wêreld het ware mans nodig. Die wêreld het ware vaders nodig. Die wêreld het mans nodig wat bereid is om verantwoordelikheid te neem vir die volgende generasie. Kyk saam, deel die video met ’n pa, seun, mentor of jong man wat hierdie boodskap nodig het. Baasraak Uitsaai Netwerk Baasraak – Om te oorwin #Brultyd #Vaderskap #WareManlikheid #WareVaders #RealManhood #RealFatherhood #TheWorldNeedsAFather #CassieCarstens #Baasraak #ManVanGod #Fatherhood