PM Xanana Lansa Projetu Rehabilitasaun Estrada Seloi-Kraik ba Tokoluli Ermera

Primeiru-Ministru (PM), Kay Rala Xanana Gusmão hala’o lansamentu bá projetu rehabilitasaun estrada diresaun suku Seloi-kraik, munisípiu Aileu bá suku Tokoluli, postu administrativu Gleno, munisípiu Ermera, sábadu (08/11/2025). Primeiru-Ministru husu populasaun hosi munisípiu rua liu-liu populasaun suku Seloi Kraik ho Tokoluli atu akompaña no tau-matan bá prosesu tomak nune’e kompañia bele hala’o servisu ho di’ak no kualidade. Governu mós realiza serimónia asinatura kontratu ho kompañia Marabia Lda iha populasaun tomak nia oin, tanba osan ne’ebé sei gasta bá obra ne’e osan povu nian, nune’e povu duni mak tenke sai sasin.