سيد علوي أبوغايب | آهٍ يا زهراء | الليالي الفاطمية 1448هـ

[ #آه_يا_زهراء ] . الرادود: #سيد_علوي_أبوغايب . كلمات: ا . #علي_غريب . الليالي الفاطمية 1448 هـ . #عزاء_أشبال_الزهراء_ع . مونتاج: #جرح_الحسين . كلمات القصيدة: آهٍ يا زهراءْ.. لا تتركينا آهٍ يا زهراءْ.. لا تفجعينا فَوا ويلاه.. أيا أُمّاهْ فاطمة يا نور الزمن.. دنيانا بعدچ مُظلمة لا تتركينا بالمِحَن.. هَمنا بسّ الله اليعلَمه من بعدچ يا أم الحسن.. يا رحمة الله امن السمة هالدنيا ممليّة شجَن.. من عنها راحت فاطمة بعَد عينچ يظل كل العمر حسرة نحِس كلشي انطفى من ماتت الزهرة نبقى بالآلامْ.. ننعى فَرقاكِ نبقى بالآلامْ.. نبكي ذِكراكِ أسىً عِشناه.. أيا أمّاه مِن أصبَح المنزل خَلي.. من فاطمة بَعد الهَجُر راح الحنان الأوّلي.. وصار الألم طول العمر كل ذكرى بيها نبتلي.. ابصورة الزهرة تنعصر الله يعينك يا علي.. يوم اللي واريت القبر توَسِّد فاطمة وسط الثرى ابإيدك عجَب ما فارگت روحك في توسيدك تنعى بالأهات.. والدمعِ الجاري تنعى بالآهات.. روحُ الكرّارِ وواسيناه .. أيا أُمّاه عين الحسَن بين الدمِع.. تنظر إلى الدار ابأسى يتأمل قلبه المنفجع.. ما شاف الزهرة جالسة من شاف الباب المنصدِع.. واتذكّر اللي يرفسه واتذكّر امصاب الضلع.. ولطمة جفِن خير النسة وخلف الباب ايناظر صورة مَگساها دم أمه على اجدارِ التلَّگاها دمٌّ خلفَ الباب.. بالذكرى يجري دمٌّ خلفَ الباب .. يبقى للحشرِ ولَن ننساه.. أيا أمّاه واحسين ابدمعة هاملة.. يتذكّر أمّه بالحزِن يذكر اشلون الراحلة.. كانت تضمّه بالحضِن رغم اللي شافت من بله.. وكسرتها وامصاب الجفِن كانت تنوح الكربله.. هالبيها ضلوعه تنطحن تگلّه يبني ضلعي هالذي اتهشّم فدوة الصدرك الينسحگ بمحرم يا ابني لا أنساك.. في يومِ العاشر يا ابني لا أنساك.. مذبوحاً عافر فنادى آه.. أيا أمّاه وزينب قلبها منفطر.. اشلون الفقِد تتحمْله فارگت أمها امن الصغُر.. وتترگّب اهوال او بله من بَعَد أمها تنتظر.. جملة مصايب كربله معقولة زينب باليسر.. مسبية فوق امهزّلة توقف يم قبر أمها وتحاچيها باچر يمّه بنتچ بين اعاديها ما بينَ الأعداء.. أُمّاهُ أُضرَب ما بينَ الأعداء.. لَم يرعَوا زينب فوا غوثاه.. أيا أمّاه