Habib Jalib Azadi evSahafatآزادی صحافت حبیب جالب

آزادی صحافت حبیب جالب داستاں غم کی ہم کو ازبر ہے خوں ہمارا تمہارے ہی سر ہے پھر سے کہرام آج گھر گھر ہے پھر وطن کی فضا مکدر ہے ہر تباہی میں ہے تمہارا ہاتھ تم نے پیدا کئے ہیں یہ حالات خوب وعدے نبھائے ہیں تم نے شہر مقتل بنائے ہیں تم نے ہم کو یہ دن دکھائے ہیں تم نے جھونپڑے ہی جلائے ہیں تم نے کون سا قصر تم نے ڈھایا ہے ہے کسان ہی کا خوں بہایا ہے عزت نفس کے ہو تم قاتل گالیاں دیتے ہو سر محفل ہے تمہارا مشیر ہر جاہل تم سے امید خیر لاحاصل بے ضمیری جسے گوارا ہو بس وہی ہم سفر تمہارا ہو ضبط کرتے ہو روز تم اخبار ہے یہ آزادی لب اظہار مفلس و اہل دانش و زردار آج ہیں تم سے سب کے سب بیزار سچ ہے بولا نہ بول سکتے ہو جانے کیا کیا جنوں میں بکتے ہو تالیاں قہقہے کرو تقریر کوئی کچھ بھی کہے کرو تقریر ملک کٹتا رہے کرو تقریر خون بہتا رہے کرو تقریر سب ہیں خوشحال ہاتھ اٹھواؤ دل تمہارے ہیں نفرتوں سے بھرے کون اب اعتبار تم پہ کرے جو بھی تم سے ملائے ہاتھ ڈرے مرگئے اچھے لوگ تم نہ مرے قاتلو اب خدا سے کچھ تو ڈرو باقی ماندہ وطن پہ رحم کرو حبیب جالب مشکل الفاظ ازبر۔۔۔زبانی یاد ہونا کہرام۔۔۔شوروہنگامہ /روناپیٹنا مکدر۔۔۔گندی/ polluted قصر۔۔۔palace…امیر کا گھر عزت نفس۔۔۔self respect مشیر۔۔۔ advisor زردار۔۔۔پیسہ والاrich