Narayaneeyam Dashakam 28 - Lakshmi Swayamvara, Amruta Pradurbhava

Narayaneeyam Dashakam 28 - Lakshmi Swayamvara, Amruta Pradurbhava garalaṃ taralānalaṃ purastā- jjaladhērudvijagāla kālakūṭam । amarastutivādamōdanighnō giriśastannipapau bhavatpriyārtham ॥1॥ vimathatsu surāsurēṣu jātā surabhistāmṛṣiṣu nyadhāstridhāman । hayaratnamabhūdathēbharatnaṃ dyutaruśchāpsarasaḥ surēṣu tāni ॥2॥ jagadīśa bhavatparā tadānīṃ kamanīyā kamalā babhūva dēvī । amalāmavalōkya yāṃ vilōlaḥ sakalō'pi spṛhayāmbabhūva lōkaḥ ॥3॥ tvayi dattahṛdē tadaiva dēvyai tridaśēndrō maṇipīṭhikāṃ vyatārīt । sakalōpahṛtābhiṣēchanīyaiḥ ṛṣayastāṃ śrutigīrbhirabhyaṣiñchan ॥4॥ abhiṣēkajalānupātimugdha- tvadapāṅgairavabhūṣitāṅgavallīm । maṇikuṇḍalapītachēlahāra- pramukhaistāmamarādayō'nvabhūṣan ॥5॥ varaṇasrajamāttabhṛṅganādāṃ dadhatī sā kuchakumbhamandayānā । padaśiñjitamañjunūpurā tvāṃ kalitavrīlavilāsamāsasāda ॥6॥ giriśadruhiṇādisarvadēvān guṇabhājō'pyavimuktadōṣalēśān । avamṛśya sadaiva sarvaramyē nihitā tvayyanayā'pi divyamālā ॥7॥ urasā tarasā mamānithaināṃ bhuvanānāṃ jananīmananyabhāvām । tvadurōvilasattadīkṣaṇaśrī- parivṛṣṭyā paripuṣṭamāsa viśvam ॥8॥ atimōhanavibhramā tadānīṃ madayantī khalu vāruṇī nirāgāt । tamasaḥ padavīmadāstvamēnā- matisammānanayā mahāsurēbhyaḥ ॥9॥ taruṇāmbudasundarastadā tvaṃ nanu dhanvantarirutthitō'mburāśēḥ । amṛtaṃ kalaśē vahan karābhyā- makhilārtiṃ hara mārutālayēśa ॥10॥ Source: Vaidika Vignanam Om Namo Narayanaya! Om Namo Narayanaya! Om Namo Narayanaya! New video shall be released every Thursday on this channel!