بضعة داحي الباب - باسم الكربلائي استشهاد السيدة فاطمة الزهراء ع الليالي الفاطمية

قصيدة - بضعة داحي الباب زينب شعر ـ أ. جابر الكاظمي لندن 1996 [ الدموع الناطقة الجزء 11 ص 35 ] أداء ـ الملا باسم الكربلائي    الليالي الفاطمية ليالي استشهاد السيدة فاطمة الزهراء عليها السلام في حسينية الرسول الأعظم الكربلائية في دولة الكويت ليلة 13 جمادى الأولى 1417 ه‍ـ 1996 م مونتاج وتنفيذ وتصحيح ألوان وغلاف - قاسم محمد الدبياني ملاحظة / يُسمح بإعادة نشر مونتاجات القناة ، لكن نتمنى عدم التغيير بها ونشرها كما هي اليوتيوب - قناة الكاظمي و الكربلائي التليگرام - قاسم الدبياني لنشر التراث الفيس بوك - مجموعة الصوت والقلم الكاظمي و الكربلائي [ القصيدة مكتوبة ] بين المصيبتين 0:00 بضعة داحي الباب زينب شافت چم امصاب زينب بین امصيبة ضلع الزهرة اوبين احسين الهشموا صدره شافت چم امصاب زينب 1:31 هاي العقيلة بت علي ابطوگ الشرف معتصمة اترعرعت بحجور الوفه اورضعت ثداية العصمة جدها محمد والأبو حيدر حليف الهمة و امها الوديعة فاطمة منبع كرامة او حكمة كل هالشموخ وجابهت جور الزمان اوظلمه من زغر سنها شاهدت عالدار ذيچ الهجمة اوشافت ذاك اليوم زينب اوضلع امها المهشوم زينب احتارت بين الضلع اوكسره اوبين احسين الهشموا صدره شافت چم امصاب زينب 4:54 من أول اسنين العمر شافت مصيبة أمها اوشافت الظالم من هجم اودار الوحي داهمها اوشافت اشلون ام الحسن كسر الضلع ألمها شاركت أمها فاطمة ابنار المصيبة اوهمها حاربها طغيان الدهر واعله الغصص علمها اومن فيض دم ام الحزن صورة حزن نرسمها شافت باب الدار زينب اوشافت ذيچ النار زينب ما بين النار المستعره اوبين احسين الهشموا صدره شافت چم امصاب زينب 7:19 امصاب الوديعة فاطمة لمصاب زينب مصدر چف الظلم لمن دفع باب الطهر و اتجسر زينب غدت ويه الحدث تتفاعل اوتتأثر اوچنها اسمعت صوت الضلع بالباب حين اتكسر فكرك اوفكري وكل فكر من هالوضع يتحير ما يدري حزن ام الحسن لو حزن زينب أكثر فكري اوفكرك گال زينب زينب أصعب حال زينب بين الدمعة اوبين الجمرة اوبين احسين الهشموا صدره شافت چم امصاب زينب 10:05 ابساحة الدار الموحشة شنهو الحصل ما تدري شاهدت عالباب الحطب نيرانه ظلت تسري لن تسمع امها فاطمة اتصيح ابدمعها اليجري اتنادي اعله فضة اوتنتحب يافضة هشموا صدري يا فضة محسن عالأرض طايح يفضة ابكتري یا فضة هيهات الصبر يگدر يجبّر كسري شافت هالحالات زينب سمعت هالصرخات زينب بين الضلع اليصعب جبره اوبين احسين الهشموا صدره شافت چم امصاب 12:39 حانت مواقيت الأجل اوللزهره حفروا مضجع هودر الليل او عالوعد نعش الوديعة اتشيع ناعي الحزن صاح ونعه وزينب تصد اوتسمع ناداها ماتت فاطمة والكون ركنه اتصدع هامت وضربت عالوجه وانفجر سيل المدمع صاحت يناعي اتيتمت گلبي انهضم و اتلوع زينب وبيا روح زينب لفراگ أمها تنوح زينب بين امها الماتت بالحسره اوبين احسين الهشموا صدره شافت چم امصاب 15:30 راحت الزهرة وتستمر ظلت مصایب زینب اشما تذكر امها فاطمة زينب تنوح اوتنحب والنّوب فاجئها الدهر بمصاب اشد او أصعب شافت أبوها المرتضى ابمحرابه راسه اتصوب من عگب حيدر للحسن گلب العقيلة اتعذب شافت چبدته بالطشت من جمرة السم تلهب تنحب عالمسموم زينب شافت کثره هموم زينب ما بين الچبده المتوذره اوبين احسين الهشموا صدره شافت چم امصاب والنوب آخر فاجعة كربله وما أقساها من المدينة اويه الظعن حادي الهضم وداها من وصلت الطف كربله فگدت شمل ولياها شافت جسوم اعله الأرض صرعه اويسيل ادماها ابلوعتها ظلت حايره اتظل يم جثث قتلاها لو تطفي نيران الخيم واتجمع ايتاماها اتظل يم الوليان زينب لو تطفي النيران زينب بين الأجساد المتعفره اوبين احسين الهشموا صدره شافت چم امصاب زينب 5:12 شعر - ا. جابر الكاظمي لندن 1996 [ الدموع الناطقة الجزء 11 ص 35 ] الفاتحة إلى روح خادم آل محمد جبير عبيد الدبياني رحمه الله تعالى وإلى جميع أموات شيعة أمير المؤمنين عليه السلام #لاتنسوا_الاشتراك_في_القناة