尹景順嫌粉絲太熱情被嚇倒 向郭富城自薦做暖場嘉賓

尹景順嫌粉絲太熱情被嚇倒 向郭富城自薦做暖場嘉賓 早前獲頒「傑出區域藝人獎」嘅中聲唱將 尹景順，呢日同 吳亦偉 雙劍合壁現身一個晚宴擔任表演嘉賓，兩人一開聲就帶動全場高漲情緒，大家仲蜂擁到台邊熱情支持。 不過景順對呢個場面竟然唔太受落，仲話粉絲太熱情令佢嚇倒，呼籲歌迷可以坐定定聽歌唔好打搞到佢。其實由比賽至今，景順都獲得好多粉絲支持，難道仲未習慣？我哋嘅主播許文軒就提議景順可以同粉絲一齊坐住唱歌，景順就笑言唔好，驚守身如玉會被攻破摸蝕咗。相反吳亦偉就好享受大家比佢嘅熱情，覺得呢份支持係佢嘅動力，令佢更盡情演繹歌曲，期待與觀眾互動。 早前 郭富城 喺馬來西亞開騷，景順都有去捧場，仲被城城選中一齊玩跳舞battle令佢好興奮，景順仲係訪問到向城城提出一個請求，問城城可唔可以請佢去做演唱會嘉賓，做暖場都好樂意，希望踏上天王跨年騷嘅舞台。 #中聲 #尹景順 #吳亦偉 #馬來西亞 #郭富城 #跨年騷 #許文軒#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0