الجاسوسة التي خانت عائلتها | إنشراح موسى القصة الكاملة!

#قصص_الجاسوسية #الجيش_المصري #ملفات_المخابرات يوم **5 أغسطس سنة 1974**، وتحديدًا في **قلب مدينة نصر**، كان فيه شقة شكلها عادي جدًا من بره. لكن جوا الشقة، كان فيه شخص قاعد قدام جهاز إرسال لاسلكي صغير، وبيحاول يشغله. و يجرب السلك. و يضغط على الزراير . و يبص ناحية الشباك. ويرجع تاني للجهاز. كان واضح إنه مستعجل، ومش على بعضه. لحد ما الجهاز اشتغل. صوت تشويش طلع في الأوضة،وأخيرًا ارتاح. لكن اللي ماكانش يعرفه إن الإشارة اللي خرجت من الجهاز، كانت وصلت للمخابرات المصرية. وفي الوقت ده، بدأت عملية تتبع الإشارة وتحديد مكانها. وبعد ما اتحدد مصدرها، قوة من المخابرات اتحركت ناحية الشقة. و هو ياعيني كان لسه بيحاول يكمّل الإرسال، وفاكر إن كل حاجة ماشية عادي. وفجأة... *خبط جامد على الباب.* الشخص ده وقف مكانه. الخبط اتكرر. وبعد لحظات، الباب اتفتح بالقوة، وضباط المخابرات دخلوا الشقة.