Շարակնոց. Խաչի շարական. Խաչի Քո, Քրիստո՛ս

Խաչի Քո, Քրիստո՛ս, երկիր պագանեմք. եւ զսուրբ թաղումնդ Քո մեծացուցանեմք. եւ զսուրբ յարութիւնդ Քո փառաւորեմք: Եկա՛յք, հաւատացե՛լք, երկրպագեսցո՛ւք Քրիստոսի Աստուծոյ մերոյ, վասն զի եկն ի ձեռն խաչի Իւրոյ շնորհեաց պարգեւս աշխարհի: Սուրբ Աստուա՛ծ, սուրբ եւ հզօր, սուրբ եւ անմահ, որ յարեար ի մեռելոց. ողորմեա՛ մեզ: Փա՜ռք սուրբ խաչիդ, ալէլուիա. սուրբ մատնութեանդ, ալէլուիա. սուրբ յարութեանդ, ալէլուիա: Նշանեցաւ առ մեզ լոյս երեսաց Քոց, եւ ետուր ուրախութիւն սրտից մերոց: Ի պտղոյ ցորենոյ, գինւոյ եւ ձիթոյ լցուցեր զնոսա Փա՜ռք սուրբ խաչիդ, ալէլուիա. սուրբ թաղմանդ, ալէլուիա. սուրբ յարութեանդ, ալէլուիա: Փա՜ռք եւ երկրպագութիւն Հօր եւ Որդւոյ եւ Սրբոյ Հոգւոյն. այժմ եւ միշտ եւ յաւիտեանս յաւիտենից. ամէն: Խաչն կենարար, որ եղեւ մեզ փրկութիւն, սովաւ ամենեքեան զՔեզ բարեբանեմք: Որ ի Հօրէ լուսոյ լոյս ճառագայթեալ ի յերկրի եւ գաւազան զօրութեան հաւատացելոց, սովաւ ամենեքեան զՔեզ բարեբանեմք: Որ լուսափայլ ծագմամբ հրաշափառապէս մեզ ցուցաւ ի յօգնութիւն ընդդէմ թշնամւոյն, սովաւ ամենեքեան զՔեզ բարեբանեմք: Փա՜ռք Հօր եւ Որդւոյ եւ Հոգւոյն Սրբոյ. այժմ եւ միշտ եւ յաւիտեանս յաւիտենից. ամէն: Յարեար, Տէ՛ր, աւերեցեր զդժոխս. ի յերկինս համբարձար եւ ընդ աջմէ Հօր նստար: Կատարող՝ Հովհաննես սարկավագ Ներսեսյան: #Շարակնոց #ԼԽաչիշարական #հոգևորերգեր