«Մայր Սուրբ, սքանչելի լուսոյն» (Առաւօտեան ժամերգութիւն) Mayr Soorp (Morning Hour) Holy Mother

Սքանչելի Լոյսին Սուրբ Մա´յր, դուն, որ յաւիտենական Աստուծոյն որովայնիդ մէջ կրեցիր և ծնեցար աշխարհի ցնծութիւնը` Աստուծոյ Խօսքը, կ'աղաչենք, Մա´յր Սուրբ, բարեխոսէ´։ Աղաչէ´ մեզ համար քեզմէ մարմնացած Աստուծոյն, Անոր, Ով խոնարհեցաւ Հայրական ծոցէն և մարմին առաւ ըստ մարդկային բնութեան, որպէսզի խաղաղութիւն պարգեւէ երկնքին և երկրին, կ'աղաչենք, Մա´յր Սուրբ, բարեխոսէ´։ Աղաչէ´ մեզ համար քեզմէ մարմնացած Աստուծոյն, որ ներէ մեզ, անտեսէ մեր հանցանքները և օգնական ըլլայ` դիմադրելու հակառակորդին պատերազմի ժամանակ, կ'աղաչենք, Մա´յր Սուրբ, բարեխոսէ´։ Աղաչէ´ մեզ համար քեզմէ մարմնացած Աստուծոյն, որ լռեն պատերազմները, դադարին թշնամիներու յարձակումները, երկրի վրա սէր և արդարութիւն հաստատուի, կ'աղաչենք, Մա´յր Սուրբ, բարեխոսէ´։ Աղաչէ´ մեզ համար քեզմէ մարմնացած Աստուծոյն, որ շատցնէ մեր երկրի աղբիւրներու բխումը, բոյսերու ու տնկիներու առատ պտղաբերութիւնը` ծառայելու մեզ հարկաւոր ամէն կարիքի, կ'աղաչենք, Մա´յր Սուրբ, բարեխոսէ´։ Աղաչէ´ մեզ համար քեզմէ մարմնացած Աստուծոն, որ միաբանուի առաքեալներու և մարգարեներու հիմքի վրայ կառուցուած Իր Սուրբ Եկեղեցին, անարատ պահէ այն մինչև իր երևելի գալստեան օրը, կ'աղաչենք, Մա´յր Սուրբ, բարեխոսէ´։ Աղաչէ´ մեզ համար, Սրբուհի´, քու Միածին Որդիին, նաև մեր հանգուցեալներու հոգիներու համար, որպէսզի ընդունէ անոնց երկնքի արքայութեան մէջ և մաս ու բաժին հատկացնէ բոլոր սուրբերու հետ, կ'աղաչենք, Մա´յր Սուրբ, բարեխոսէ´։