MBUNGE NABIL ATOA MILIONI 12 KUSAIDIA KAMBI ZA WANAFUNZI DIMANI

Huko Jimbo la Dimani, Mbunge Mhe. Nabil Ahmed Abdallah amechukua hatua ya kugusa maisha ya wanafunzi na wazazi kwa vitendo, akitoa msaada wa vyakula kwa skuli zenye kambi za masomo kwa wanafunzi wanaojiandaa na mitihani ya taifa. Msaada huo wenye thamani ya shilingi milioni 12 umetolewa kwa fedha binafsi za Mbunge, ukiwa na lengo la kuhakikisha wanafunzi wanapata mazingira bora ya kujisomea wakati wa maandalizi ya mitihani yao. Hatua hiyo pia inalenga kupunguza mzigo kwa wazazi, hususan wale ambao wanakabiliwa na changamoto za kifedha katika kugharamia mahitaji ya watoto wao wakati wa kambi za masomo. Akizungumza katika hafla ya makabidhiano iliyofanyika katika Skuli ya Kisauni, Mhe. Nabil amesema ametimiza ahadi aliyoitoa wakati wa kampeni, huku akisisitiza kuwa bado ataendelea kuunga mkono juhudi za kuimarisha sekta ya elimu ndani ya Jimbo la Dimani. Kwa upande wake, Mwenyekiti wa Chama cha Mapinduzi Jimbo la Dimani, Juma Ibrahim Masoud, amesema hatua hiyo ni sehemu ya utekelezaji wa Ilani ya CCM, huku akimpongeza Mbunge huyo kwa kutekeleza ahadi alizozitoa kwa wananchi. Msaada huo unakuja wakati wanafunzi wakiendelea na maandalizi ya mitihani ya taifa, ambapo mazingira bora ya kujisomea yanaonekana kuwa sehemu muhimu ya kuwawezesha kufanya vizuri. #AsamOnlineTV #Dimani #NabilAhmedAbdallah #Elimu #Wanafunzi #MitihaniYaTaifa #KambiZaMasomo #CCM #Zanzibar #Kisauni #Msaada #Wazazi #ZanzibarNews #HabariZanzibar #TanzaniaNews #NewsUpdate #Trending #TikTokTanzania #InstagramTanzania #FYP #ForYou #Viral