جفران بن هضبان & عبدالهادي ال قنيفذ - مجاهيم الجزيره | الودعاني العذبه 2025

مجاهيم الجزيره إلى دعا الموقف تقدمنا وزدنا النار نار عوايد نرهي بها دايم ونرفع سووقها حن ال مره ما خلقنا إلا للازمات الكبار في ساعه فيها هل الطاله تبين افروقها والله هو اللي عزنا با فعالنا في كل دار هاماتنا ما فيه غير الله تعالى فوقها أهل البل اللي للجزيره وأهل المجهم عمار مطامع الحكام وأصحاب الجهام تشوقها من عادها بالسيف لاملح والبنادق والمهار والأرض تصلا والسماء منها تلوح ابروقها وأعمارنا من دونها والموت قصاف العمار في أرماحنا اللي فالعداء ماهي تخاط فتوقها واليوم من بعد الكمام اللي كسا كل الديار ندحم بها اصحاب المراء حتى تخيب اوفوقها يقوم عنا صاملين في محياهم شنار روس صعيبات الهقاوي تعتلي من فوقها خياله الشرفا عيال العود عجلين المثار تعطي الرجال حقوقها ولا تروح حقوقها ياعيال من سمعته عز وذكره الطيب منار حمد إلى عدو الزحول اللي اتهاب اطروقها إي والله الودعاني الي له مكانه واعتبار منصى النوائب والمراجل كلبوها شوقها ليته يشوف أمجاده الي من عمار في عمار علي يدين عياله الي عهودها ما تبوقها هل مجلس مدهل ونار تسعر أمات البهار اللي يقهوي كيفها فالفوح قبل أتذوقها وصياني تندا من الحايل ومن شط الحوار ودون الوجيه ظروفها الصعبه ماهيب تعوقها عذبيه مجنى حرار من حرار من حرار الي مواكرها من اعلو القمم شاهوقها هل مجهم في ضفهم تأصل هواها باختيار ترعى بها قفور العشوب إلى زفا زملوقها الي فحلها من بريم الخشم لا عظم الفقار متناسق تكثر عليه البدو با اغلا نوقها واليوم ياصحاب المرأ هذي هي الندر جهار الزين الأصلي الي هل البل تعشقه ويشوقها صمخ البكار اللي مايوجد نوعها بين البكار الي ضخامه روسها منها تداق اعنوقها لا شافها الطامع رجع له عقله وخذ فاليسار خطر (ن ) على كبده يوقف دمها في عروقها هذي مواريث الجدود اللي مواقفهم كبار وأفعالهم شمس يقفي بالظلام اشروقها امنتبه ومن الغلا الصادق لها قدر ووقار على معزتها الضماير قافل صندوقها ماهي تربط فالمسا ويفك منها فالنهار ولا تسرح والبلا فخشومها وحلوقها هذي مجاهيم الجزيره والعرابا باختصار اللي يطور زينها افحلها وطيب اعموقها خلك من اللي كل يوم يجيب راعيها عذار اللي كثر ترهيمها الزايد سبب نفوقها كلمات : عبدالهادي ال قنيفذ اداء : جفران بن هضبان تنفيذ : اهتمام الدوسري .. من فضلك : اشتراك 🔔 Subscribe - لايك Like فعل الجرس 🛎 ليصلك كل جديد تصميم : اهتمام الدوسري ______________________ للتواصل والاستفسارات : الحسابات الرسمية لـ قناة اهتمام الدوسري . ‏SNAPCHAT : P.5BF ‏Whatsapp : ‭050 608 9787‬ #مجاهيم #ال_مره #جفران_بن_هضبان