ხორციანი ბლინები, ხორციანი ბლინების ცომი

თუ მოგეწონათ ვიდეო გამოიწერეთ იუთუბ არხი და გააქტიურეთ ზარის ღილაკი. ინგრედიენტები: პოერციაში გამოდის 30 ცალი ბლინი თბილი წყალი 5 ჭიქა (200გრამიანი); კვერცხი 6 ცალი; ზეთი 3 სკ; მარილი 1/2 ჩკ; ფქვილი 4,5 -5 ჭიქა. ხორცის შიგთავსისთვის: საქონლის ფარში 500 გრ; ხახვი 1 თავი; ძირა 1/2 ჩკ; ქონდარი 1/2 ჩკ; მარილი და წიწაკა გემოვნებით; კარაქი 1 სკ; ზეთი 2-3 სკ. სოუსისთვის: არაჟანი 3 სკ; ნიორი 1 კბილი; ცერეცო 3 ღერი. პირველ რიგში მოვამზადოთ მასა. წყალში ჩავყაროთ რიგ რიგობით ინგრედიენტები, კვერცხი,ზეთი,მარილი და ბოლოს ფქვილი. კარგად ავთქვიფოთ,ისე რომ მთლიანად გაიძრას ფქვილი და არ დარჩეს კურკუტები. დავტოვოთ 15-20 წუთით. მოვამზადოთ ხორცის შიგთავსი. მოვთუშოთ ხორცი ტაფაზე, პროცესში გამოუშვებს სითხეს. მისივე სითხეში ვთუშოთ, სანამ არ ჩაუშრება. დავუმატოთ ცხიმი. ზეთიც და კარაქიც. დავაყაროთ წვრილად დაჭრილი 1 თავი ხახვი. ვთუშოთ სანამ ხახვი არ მიიღებს ოქროსფერ შეფერილობას და ხორცი არ მოიხარშება. აუცილებლად გასინჯეთ რასაც ამზადებთ. დავუმატოთ სუნელები ძირა და ქონდარი. მარილი და წიწაკა. ხორცი მზად არის. დავტოვოთ გასაცივებლად. დავიწყოთ ბლინების ცხობა. ავიღოთ ბლინების ტაფა რომელიც არ იკრავს. დავასხათ მასა ისე როგორც ვიდეოშია ნაჩვენები და ვაცხოთ მხოლოდ ერთი მხრიდან. გამომცხვარ ბლინებში მოვათავსოთ ხორცი, გავახვიოთ და შევწვათ ცხიმში ორივე მხრიდან. სოუსისთვის დავჭყლიტოთ ნიორი, წვრილად დავჭრათ ცერეცო და შევურიოთ არაჟანს. გემოვნებით მოვაყაროთ მარილი. სოუსიც მზად არის. გემრიელად მიირთვით FOLLOW ME: IG →   / ifif_ana   Facebook -   / ifif   ANA Business enquires: amitaishvili@gmail.com Tik Tok: @ifif_ana #ბლინები #ხორციანიბლინები #blinebi