ابونجاح يهيه يالبعيدين طفوني اعلجت بهدومي

يهيه يالبعيدين طفّوني إعلجِت بهدومي أحوه يَشَبّت نار غربينا وهوى غربيها ومتدري بينا الناس بس إلها العذِل واللومي بِسكوت ادهدي دموع للشحّت عليّه أخبارهم لا جيّه لا مرسال لا ريحٍ تزيح إغيومي جدّد حزن يگليب كُل داير سنه بذكراهم هذا اسهمَك ليما المغسلِ إيْهَرِشلي إجدومي يزهية چيف الراي وشبُصر التُولّع بيكم ولنتوا حدى الجيران لا بالجريه تا بس أومي دنيتو عالدانين يزهيّه وشغلتوا إفكاري وهجرت أنا الصحبان والدنيّا وحلاوة نومي أحوه همدني الچان لبّالي ولاني ابّالُه وعُگب معزة الحال جافوني وتبرّوا گومي زيد الصبر يگليب يالمحّد جُبرلك خاطر تبقى شِجِي بدنياك وشبيدك على المقسومي طَرّف عليّه الليل ونا بس الجگاره إغذايه وتصبح علي دنياي مثل العلگم بزردومي والله دعيت الله من لسان أو گلب تنساكم تالي نسيت الناس والينشد يريد إعلومي يزهيّه يزهي گليبي من نّگعد أني وياچه ولو ثلث ساعات نختصر عتبنا وگومي . ابونجاح الغضيب رحمه الله