MY STORIE MET.... 2MAMMAS 1PAPPA EN 'N DOGTERTJIE

Vandag deel ons ’n storie wat dalk vir baie mense onverwags en uniek sal wees… maar meer as enigiets anders, is dit ’n storie van liefde, familie, vertroue en die diep begeerte om ’n kind lief te hê. ❤️ Ontmoet vir Jerry, Bernie en Claude — drie mense wat vandag al drie wettige ouers van een baie spesiale dogtertjie is. Wat begin het as ’n eenvoudige plan — om ’n spermskenker te vind om hulle te help om hul gesin te voltooi — het in iets soveel groter ontwikkel. Want Claude wou nie net ’n skenker wees nie… hy het diep binne homself die begeerte gehad om ook ’n pa te word. En so het ’n baie besondere verhaal begin ontvou. Wat my die meeste van hierdie drie mense bybly, is nie net hoe uniek hulle storie is nie, maar wie hulle is. Hulle is van die vriendelikste, mees oopkop, opregte en liefdevolle mense wat ek ontmoet het. Mense wat bereid is om hul waarheid te deel, hul harte oop te maak en ons ’n kykie te gee in ’n gesin wat dalk anders lyk as wat sommige van ons gewoond is om te sien. Jerry, Bernie en Claude — baie dankie dat julle my en ons gehoor vertrou het met julle storie. Dankie dat julle bereid is om so eerlik en outentiek te wees. En aan elkeen wat nou luister… Kom ons doen wat ons hier altyd probeer doen: Luister sonder oordeel. Luister om te verstaan, nie om te veroordeel nie. Want ons almal het ’n storie. En soms lyk ’n ander mens se storie dalk anders as ons eie — maar dit maak dit nie minder mooi, minder eg of minder vol liefde nie. Welkom by My storie met. ❤️ Tiktok: @2mammas1papa1dogtertjie Dankie vir BayFM vir die gebruik van jul ateljee