قصيدة وطنية 🇸🇦⚡️| ماهمنا هرمز فتح وان قفل | كلمات : نايف بن شافي 2026 .

عن اذنكم عندي كلامً عاجل امانةً وسط الصدر محفوره : اليوم باخص الوطن واعمه الشعر ذا وقته وهذا دوره : ياسيدي ياسلمان رمز الامه ابشر بنا في الحرب ياخو نوره : انت المليك اللي يحبه شعبه وانت الامام الحاكم الاسطوره : حنا فدن لك في الرخاء والشده وحزام جنبك في الزمان وجوره : وحنا السلاح اللي رصاصه ناري أنقوم الثوره على اهل الثوره : اظربنا وجه العدو لاتاوي راياتنا باذن الولي منصوره : شعبك معك لاجاء نهار الصمله الصف واحد والفتن مدحوره : العز من طبع السعودي واصله في راسه وفي قلبه وفي شعوره : ومحمد محمد ياحي محمد ولي عهد الدوله المشهوره : امير ومحنك وراعي سلطه تخضع له خشوم العدى مجبورة : اخصامه تشوف الدهى في عيونه وا حبابه تشوف الحياه بنوره : لاقال شعب طويق جينا نسعى بأرواحنا وبروسنا المنعوره : ماننشده فيما وماذا يفعل مثل السيوف اللي تنفذ شوره : هذا الوطن غالي وشعبه غالي اقولها بالحق صوت وصوره : صوتً يزلزل كل حيً يمشي ويصحي النيام بالباكوره : شبر ًمن تراب الوطن مايرخص الا على اهل الغدر واهل البوره : والله وثم والله بعدها والله واقسم على القرآن سوره سوره : يامن طمع فينا وفي دولتنا ان نركز السيف الحدب في زوره : ابك انت يامجنون وينك غادي عقلك مريض ونيتك مثبورة : الله ياكم من طامعً قدامك يمناه دون حدودنا مبتوره : حنا السعوديين ياجاهلنا اسود وسباع البلد ونموره : انيابنا تاكل جنوب عدانا ودميهم فوق الثرى منثوره : في الارض جيشً يدحر الحرابه وفي الجو حنا سربتة وصقوره : من بحر جده للخليج وحده بواخرً تجري بعرض بحوره : ماهمنا هرمز فتح وان قفل بترولنا نعرف ندير اموره : حنا هل التوحيد واهل العوجاء من يعتزي فيها طلع عن طوره : نبطش على الغازي ونلطم خشمه ونتوبه عن نيته وشروره : كم هقوةً وقت اللقاء نخلفها وكم جيش قومً رايته مكسوره : مشبعين الخصم ذل وغبنه يالين فاضت نفسه المقهوره : بلادنا قامت بعزم وقوه من تحتها روس العدى مقبوره : واللي حكى فينا عساه فدانا بالفعل نملا بالحجر حنجوره : دون الحرم ناقف جنود وقاده حنا بعد ربي ذراه وسوره : خدام للحجاج في بيت الله وامان للي يقصده ويزوره : تشهد لنا صفوف العباد الركع اللي لفو من قاصي المعموره : واما الكرم فينا وحنا ساسه حنا شجرته في العرب وجذوره : نعطي ولانلحق عطانا منه كم دولةً من خيرنا مغموره : قلته وانا سعودي وراسي طايل باسمي وباسم الشعب ياخو نوره