DD News Mizoram Chanchinthar | 30 September 2026 | 6:30 PM

CHANCHINTHAR Local: 1. PHE Minister Prof. Lalnilawma hovin Deptt. hnathawh kal mek leh Aizawl khawpui tana tui sem dan sawiho a ni. 2. National Conference on Rabi, New Delhi-a neihah Agriculture Minister Pu P.C. Vanlalruata a tel. 3. Hindi Pakhwada kharna hun chu vawiin khan DDK Aizawl, Akashvani Aizawl leh IIMC North Eastern Regional Campus Aizawlah hman a ni. 4. Doordarshan Kendra Aizawl leh Mizoram Sorkara Education Department chuan a tum rukna atan thawhhohna thuthlung Memorandum of Agreement (MoA) an ziak. 5. Mizoram Police-te chuan tun hnai khan Mizoram hmun hrang hrangah dan phal loh ruihhlo eng emaw zat an man. 6. Mizoram Merchant Association (MIMA) hruaituten AMC Licensing Regulations chungchangah AMC Mayor an hmu. 7. MPCC hotute chuan ZPM Val Upa Council dinchhuaktu leh member pawimawh Pu Bualhranga'n Chief Minister a puhna chu mak an tih thu leh an ngaih thutak thu an sawi. 8. Lunglei District Disposal Committee (DCC) hmalaknain nimin khan Heroin no. 4, Rs. 14,00,000 (Cheng nuai 14) man hu hal ral a ni. 9. Khuangthing to Thekpui PMGSY Road leh Tlawva Small Hydel Project panna kawng chhia chungchang chu Khuangthing VCP-in Larsap hnenah a thlen. National: 1. Ram hruaituten Asian Games neih meka India Archery Team Gold Medal late an lawmpui. 2. Prime Minister Narendra Modi chuan naktuk khian New Delhi-ah Union Public Service Commission kum 100 tlin lawmna a hmanpui dawn. 3. Cabinet Committee on Economic Affairs chuan vawiin khan kum 2027-28 atana thlasik thlai hrang hrangte tana hralhna man hniam ber bithliah, Minimum Support Prices tihsan a pawm. 4. Union Minister of Culture and Tourism Gajendra Singh Shekhawat chuan tourism chu ram sumhnar leh eizawnna innghahna pawimawh tak a ni chho mek a ni, a ti. 5. Union Finance Minister Nirmala Sitharaman chuan Qatar sumdawngte chu India rama sum tam zawk invest tur leh sumdawnna lama thawk ho turin a sawm. 6. Khawchin hrilhlawkna chuan hmarchhak leh state thenkhatah ruah a sur nasa dawn niin a tarlang. 7. Sorkarlaipui chuan passenger phur lirtheite hman tur dan thar 'Corporate Average Fuel Economy (CAFE) norms' a tichhuak. 8. Commerce and Industry Minister Piyush Goyal chuan vawiin leh naktuk hian US-a G20 Trade Ministers thutkhawm a hmanpui dawn. Follow DD Mizoram:   / ddnewsmizoram     / ddnews_mizoram     / ddnewsmizoram