DD News Mizoram Chanchinthar | 2 October 2026 | 6:30 PM

CHANCHINTHAR Local: Nimin tlaia Sateek daia lirthei chesual-a thi zingah Doordarshan Regional News Director Pu Nampibou Marinmai a tel. India hnampa Mahatma Gandhi pualin Larsap General (Dr) Vijay Kumar Singh leh Mizoram Sawrkara mi pawimawh dangte’n a limah pangpar dahin zahna an lantir. Chief Minister Pu Lalduhoma chuan mahni mamawh thawh chhuah tuma beitu zirlaite intelkhawmna SSU chu Mizorama thalai pawl ngaihsanawm ber pawl a nih thu a sawi. UD&PA leh PHE Department Minister Prof. Lalnilawma chuan Faina chu rilru puthmang atanga intan leh mahni chauh inngaihtuah lo va midangte hmakhua atana mahni inhlanna a ni zawk thu a sawi. United Penticostal Church North East India Kohhran thalai pawl, Pentecostal Youth Department (PYD) ten India hmarchhak pum huapa 'Social Work Day' vawi 27-na vawiin khan an hmang. BJP Mizoram State Headquarters bultumin "Seva Sankalp Abhiyan" hnuaiah faina hnatlangpui (Cleanliness Drive) neih a ni. Excise & Narcotics Department leh 14th Bn. Assam Rifles tangdunte chuan Zote leh Bulfek inkar kawngpui, Champhai District-ah tukin khan ruihhlo Heroin Kg 2 leh gram 538 (Hawng 200)-a rit leh a neitu nia puh mi pahnihan an man. National: 1. Ram pumah India hnam pa Mahatma Gandhi leh Prime Minister hlui Lal Bahadur Shastri te piancham lawmna neih a ni. 2. President Droupadi Murmu chuan khawvel hmun hrang hranga indona leh buaina thleng mekah, Mahatma Gandhi-a'n remna leh muanna thuchah a lo hnutchhiahte chu a pawimawh lehzual hle a ni, a ti. 3. Prime Minister Narendra Modi chuan flydubai Pilot Captain Smit Machchhar huaisenna chu fakin, a dam that thuai theih nan duhsakna a hlan. 4. Ukraine buaina sutkianna kawngah leh inremna siamna kawngah Prime Minister Narendra Modi-a'n ngaihdan leh ruahmanna tha tak a neih thu Russia President Vladimir Putin chuan a sawi. 5. Chief Justice of India (CJI) Surya Kant chuan dan leh rorelnaah mipuiten technology chu tangkai zawk leh awlsam zawka an hriatfiah theih nan hman a tul thu a sawi. 6. Union Commerce and Industry Minister Piyush Goyal an sumdawnna kawnga thawhhona tihchak dan tur France, Canada, Saudi Arabia leh South Korea Trade Minister-te a sawipui. 7. India leh Jordan ten puanthan leh thawmhnaw siamchhuah kawnga thawh ho dan tur New Delhi-ah an rel. Follow DD Mizoram:   / ddnewsmizoram     / ddnews_mizoram     / ddnewsmizoram