UFC Yulduzlarining Qora Tomoni

MMA jangchilari — asablari doimo tarang yuradigan odamlar. Va buning sababini tushunish qiyin emas. Chunki ularning kasbi nafaqat jismonan, balki ruhiy jihatdan ham nihoyatda og‘ir. Ko‘plab jangchilar yakkakurashga kelishidan oldin ham turli ruhiy muammolar bilan kurashgan. Bunga oiladagi zo‘ravonlik, og‘ir bolalik yoki hayot davomida olingan ruhiy jarohatlar sabab bo‘lishi mumkin. Ayrimlar aynan jang san’ati orqali ichidagi g‘azabni nazorat qilishni o‘rganadi. Ammo ba’zida so‘ngandek ko‘ringan cho‘g‘lar yana alanga oladi va jangchining butunlay boshqa qiyofasi yuzaga chiqadi. Bunday paytda esa ular atrofdagilar uchun ham xavfli bo‘lib qolishi mumkin. Lekin hammasi ham katta janjal bilan tugamaydi. Ba’zida UFC yulduzlari shunday g‘alati va ochiqchasiga krinj ishlarni qilib qo‘yadiki, keyinchalik o‘zlari ham buni eslashni istamasa kerak.