Жүкті әйелдерге берілетін төлемнен 194 млн теңге жымқырған

Мемлекеттен 193 миллион 800 мың теңге әлеуметтік төлем заңсыз алынған. Шымкентте жүкті әйелдерге берілетін төлемдерді заңсыз рәсімдеу дерегі анықталды. Прокуратураның мәліметінше, схеманы ұйымдастырушы 43 әйелді жеке кәсіпкерлерге жұмысқа орналастырған болып көрсеткен. Алайда олар іс жүзінде ол жерде жұмыс істемеген. Ұйымдастырушы кәсіпкерлердің электрондық цифрлық қолтаңбаларын пайдаланып, өткен кезеңдер үшін зейнетақы жарналарын аударған. Осыдан кейін әлеуметтік төлем алу үшін құжаттар рәсімдеген. Жәрдемақы түскен соң, аударылған жарналарды «қате төлем» деген сылтаумен кері қайтарып алған. Сот схеманы ұйымдастырушыны алаяқтық жасағаны үшін кінәлі деп танып, 6 жылға бас бостандығынан айырды. Алайда жаза өтеу мерзімін 3 жылға кейінге қалдырды. Басқа жаңалықтар: https://kz.otyrar.kz Еще новости: https://otyrar.kz