بسبب سوريا تدمرت حياته وحياة عائلته I قصة فضل شاكر والثورة السورية

نص الفيديو : بلشت حكاية تدمير مسيرة فضل شاكر الفنية والاجتماعية بعد ما دعا على بشار الاسد بعام 2012 بمهرجان موازين بالمغرب ... و من بعد هاالموقف طبعا صارت تجيه تهديدات من المخابرات السورية وحلفائها بلبنان ويقولولو حقك رصاصة ويبتزوه باولاده فقرر يامن عليهم لولاده ويسفرهم خارج البلد .... ومتله متل كل العالم يلي كان عم يشاهد الاحداث السورية ببدايتها كان فضل متابع الاحداث وكان يشوف فيديوهات قمع المتظاهرين و بعدين قصف المدن السورية والاشلاء والدبح والتنكيل يلي كان عم يمارسه النظام السوري على السوريين ... فات فضل شاكر بحالة حزن و اكتئاب صعبة جدا لدرجة انو مابقا يقدر يغني وبلش يفكر بالتوبة والاعتزال وبهالفترة نفسها كانت عم تجي عروض كبيرة لحفلات كان يرفضها لانو مو قادر و قال وكيل اعماله انو العروض كانت لكل حفلة ب150 الف دولار واكتر ورغم كل هالاغراءات فضل خرج عن المود تبع الغناء كليا ومابقا يهتم بشكله حتى ! ورخا دقنه وزهد بالحياة كلها ... بعد الانتشار الكبير لفيديو مسبتو على بشار وقرار اعتزاله المفاجئ والحالة يلي كان فيها بلشوا يتواصلوا معه كتير من المؤثرين الدينيين ..وكان ابرزهم الشيخ احمد الاسير ... وكان هالشيخ هو المفتاح اللي غيّر مسار حياة فضل شاكر، وخلاه يتحول من نجم غنائي محبوب … إلى وجه سياسي وديني مثير للجدل! ........ الشيخ احمد الاسير هو داعية سلفي لبناني من مدينة صيدا بجنوب لبنان. اشتهر بعد عام 2011 بمواقفه المعارضة لحزب الله والنظام السوري. ظهر بشكل قوي إعلاميًا، خاصة بعد اندلاع الثورة السورية. .... تقرب فضل شاكر منه لفترة قصيرة، واعتبره مرشده الديني والسياسي لكن هالعلاقة كلّفته الكتير: كلفته شهرته محبّة الجمهورلالو ومستقبله الفني والسياسي .... وجهت الدولة اللبنانية لفضل شاكر عدة اتهامات منها مشاركته بقتال الجيش اللبناني بعدين تم تبرئته من هالتهمة ولحد هاللحظة متهم بشغلات وناطر على امل تنفتح القضايا من جديد ليظهر حقه لانه بيعتبر نفسه مظلوم وماارتكب اية جرائم بحق اي شخص بلبنان والقصة ومافيها انه النظام السوري كان عم يحرض ضده بمساعدة اعوانه من السياسيين و الاعلاميين في لبنان وسوريا ... واليوم فضل كله امل بالعدالة الالاهية والعدالة القضائية بلبنان انها تنصفه تحية لكل انسان شريف قال كلمة حق عن الثورة السورية العظيمة مانسينا موقفك ولا رح ننساه كل الاحترام والتقدير وكلنا امل بالقضاء اللبناني المحترم انو ينصفك انت كسوري شو بتحب توجه رسالة لفضل شاكر ؟ #قصة_فضل_شاكر #فضل_شاكر #الثورة_السورية #سوريا #مهرجان_موسم_الرياض #موسم_الرياض_فضل_شاكر تـابعونا على بقية المنصات..أهلا وسهلا بالجميع فيسبوك:   / stations111   انستجرام:  / stations.111   تيك توك: https://www.tiktok.com/@stations12?_t...