အင်း​​တော်နဲ့ ​မော်လူးမြို့နယ်ကြားမှာ စစ်တပ်ယာဥ်တန်း​ကို ​ဒေသခံ PDF အဖွဲ့​တွေက တိုက်ခိုက်

5 NOVEMBER 2026 စစ်ကိုင်းတိုင်း၊ အင်း​​တော်နဲ့ ​မော်လူးမြို့နယ်ကြားမှာ စစ်တပ်ယာဥ်တန်း​ကို ​ဒေသခံ PDF အဖွဲ့​တွေက တိုက်ခိုက်လို့ စစ်ကားတချိူ့ မီး​လောင်ပျက်စီးသွားတယ်လို့ Indaw Revolution-IR က ထုတ်ပြန်ထားပါတယ်။ အာဏာသိမ်း စစ်တပ်က နိုဝင်ဘာ ၂ ရက်​နေ့မှာ မန္တလေးကနေ ထီးချိုင့် - ကသာ - အင်းတော်လမ်းအတိုင်း မြစ်ကြီးနားဘက်ကို တက်လာခဲ့တာပါ။ နိုဝင်ဘာ ၃ ရက်နေ့ ညနေပိုင်းမှာ​​တော့ အဲ့ဒီ စစ်ယာဥ်တန်းက ထီးချိုင့်ကနေ ကသာမြို့ဘက်ထွက်ခွာလာချိန် PDF က ကြားဖြတ်တိုက်ခိုက်ခဲ့တယ်လို့ ​​ဖော်ပြထားပါတယ်။ PDF ရဲ့ တိုက်ခိုက်မှု​​ကြောင့် စစ်ကား (၃) စီးမီးလောင်သွားခဲ့တယ်လို့ သိရပါတယ်။ နိုဝင်ဘာ ၄ ရက်နေ့ မနက်ပိုင်းနဲ့ နေ့ခင်းပိုင်းမှာလည်း အင်းတော် - မော်လူး လမ်းမှာ PDF က စစ်ယာဥ်တန်းကို ဒရုန်းတွေနဲ့ထပ်မံ တိုက်ခိုက်လို့ ကားတစ်စီးမီး​လောင်ပျက်စီးသွားခဲ့ပါတယ်။ နိုဝင်ဘာ ၄ ရက်​နေ့ မှာ စစ်တပ်ကလည်း စီပိန်းရွာ ဘက်ကို တိုက်လေယာဉ်တစ်စီး၊ Y-12 ​လေယာဥ်တစ်စီး သုံးပြီး ဗုံးကြဲခဲ့တယ်လို့ ​​ဒေသခံ​တွေထံမှ သိရပါတယ်။ လက်ရှိမှာ​တော့ အဲ့ဒီ စစ်ယာဥ်တန်းထဲမှ စစ်ကားတစ်ချိူ့ဟာ မြစ်ကြီးနားမြို့ထဲကို​ရောက်သွားပြီ ဖြစ်ပါတယ်။ အင်း​တော်မြို့နယ်ထဲမှာလည်း စစ်တပ်နဲ့ PDF တို့ တိုက်ပွဲဖြစ်ခဲ့ပြီး​နောက် ​သေဆုံးသွားတဲ့ စစ်သားအ​လောင်း​တွေကို ​ဒေသခံတွေနဲ့ PDF ​တွေက လိုက်လံရှင်းလင်းမြှုပ်နှံ​ပေး​နေရတယ်လို့ သတင်းရင်းမြစ်ထံမှ သိရပါတယ်။ အောက်တိုဘာလ ၄ ရက်နေ့ကမှစပြီး မန္တလေး-မြစ်ကြီးနားလမ်းကို ထိန်းချုပ်နိုင်ဖို့ စစ်တပ်က အင်း​တော်မြို့နယ်ထဲကို စစ်​ကြောင်း ၂ခုခွဲပြီး ထိုးစစ်ဆင်လာတာ ဖြစ်ပါတယ်။ တိုက်ပွဲ​တွေအတွင်း စစ်တပ်ဗိုလ်မှူး ကျော်ဆန်းထွန်းနဲ့ စစ်သုံ့ပန်းအများ အပြား ကို PDF က ဖမ်းဆီးရမိထားပြီး လက်နက်ခဲယမ်း​တွေကိုပါ သိမ်းဆည်းရမိထားတယ်လို့ ​ဒေသခံသတင်းရင်းမြစ်ထံမှ MNO က သိရပါတယ်။ ရုပ်သံ- Indaw Revolution-IR, Thine Kyaw MNO NEWS Youtube Channel ကို Subscribe လုပ်ခြင်းဖြင့် အချိန်နှင့်တစ်ပြေးညီ သတင်းများကို ကြည့်ရှုနိုင်ပါသည်။ အောက်ပါ့လင့်များမှလည်း သတင်းများ ကြည့်ရှုနိုင်ပါသည်။ Website- www.mnonews.com Facebook MNO NEWS-   / 1amgqiqdtk   Facebook MNO Streaming -   / 1cwuta4zvw   Youtube-   / @mno-news