របៀបស្លសម្លកកូរឱ្យមានរសជាតិឆ្ងាញ់|Pu_Pheak Kh #Khmerfood #Dailyfood#khmerrecipe #sam-lor-korko

#សម្លកកូរ #របៀបធ្វើសម្លកកូរ #KhmerFood សម្លកកូរ ជាមុខម្ហូបប្រចាំគ្រួសារខ្មែរដែលនិយមចម្អិនសម្រាប់ការជួបជុំ ពិធីបុណ្យទាន ឬកម្មវិធីផ្សេងៗ ដោយសារក្លិនឈ្ងុយនៃគ្រឿងបុក និងរសជាតិឆ្ងាញ់ពិសា។ គ្រឿងផ្សំ៖ សាច់៖ សាច់ជ្រូកឬឆ្អឹងជំនី​ សាច់មាន់និងត្រីអណ្ដែង គ្រឿងបុក៖ ស្លឹកគ្រៃ, ស្លឹកក្រូចសើច, រំដេង, រមៀត, ខ្ទឹមស បន្លែ៖ ត្រប់ស្រួយ, ល្ហុង, ផ្លែចេកខ្ចី សណ្ដែកគួ​ ត្រប់វែង​ ស្លឹកបាស់​ ស្លឹកងប់​ ត្រួយម្រះ​ ល្ពៅ​ ននោង គ្រឿងផ្សំរសជាតិ៖ ប្រហុកសាច់ (ចិញ្ច្រាំ), អំបិល, ប៊ីចេង, ស្ករត្នោត, ទឹកត្រី, ម្សៅស៊ុប, ប្រេងខ្យង, ប្រេងឆា វិធីធ្វើ៖ 1. រៀបចំគ្រឿង៖ ហាន់ស្លឹកគ្រៃ រមៀត រំដេង និងស្លឹកក្រូចសើចជាសរសៃស្តើងៗ រួចបុកជាមួយខ្ទឹមសឱ្យហ្មត់។ ចិញ្ច្រាំប្រហុកឱ្យហ្មត់ល្អ។ 2. រៀបចំសាច់ និងបន្លែ៖ លាងសាច់ជ្រូកឬឆ្អឹងជំនីឬសាច់មាន់និងត្រីអណ្ដែងឱ្យស្អាត ស្រង់ឱ្យស្រស់ទឹក រួចហាន់ជាដុំល្មម។ ចិតបន្លែនិងបេះបន្លែប្រភេទស្លឹក រួចត្រាំទឹកបន្តិច ទើបលាងទឹកស្អាត ៤-៥ ដង រួចស្រង់ទុក។ 3. ឆាគ្រឿង៖ ដុតឆ្នាំងឱ្យក្តៅ ចាក់ប្រេងឆាបន្តិច រួចដាក់គ្រឿងបុកចូលឆាឱ្យឡើងក្លិនឈ្ងុយ។ បន្ទាប់មកដាក់ប្រហុកចូលឆាឱ្យស្ងួតបន្តិច។ 4. រំងាស់សាច់៖ ដាក់សាច់ជ្រូកឬសាច់មាន់ចូលឆាត្រឡប់ឱ្យសព្វជាមួយគ្រឿង មួយសន្ទុះក្រោយមកដាក់ត្រីអណ្ដែងចូលកូរត្រឡប់ទៅត្រឡប់មក៣-៤ដងរួចរំងាស់រហូតដាច់ទឹក។ 5. ផ្សំរសជាតិ៖ បន្ថែមអំបិល, ប៊ីចេង, ស្ករត្នោត, ទឹកត្រី, ម្សៅស៊ុប, ប្រេងខ្យង និងឆាឱ្យចូលជាតិ រួចចាក់ទឹកស្អាតចូលល្មម រំងាស់រហូតសាច់ឆ្អិនផុយល្អ។ 6. បញ្ចប់៖ បង់បន្លែដែលមានដូចជា ត្រប់ស្រួយ និងល្ហុង​ ល្ពៅ​ ននោងត្រប់វែង​ ចេកខ្ចី​ សណ្ដែកគួចូល។ ពេលបន្លែឆ្អិនល្មម ដាក់ស្លឹកបាស់​ ស្លឹកងប់និងស្លឹកម្រះចូល រួចភ្លក់រសជាតិតាមចំណូលចិត្ត ជាការស្រេច! ❤️️ ប្រសិនបើបងប្អូនចូលចិត្តវីដេអូនេះ សូមជួយ Subscribe និងចុចសញ្ញារូបកណ្តឹង 🔔 ដើម្បីទទួលបានវីដេអូមុខម្ហូបថ្មីៗជារៀងរាល់ថ្ងៃ! សូមអរគុណយ៉ាងជ្រាលជ្រៅសម្រាប់ការទស្សនា និងគាំទ្រ! 🙏🙏 #Khmerfood #Dailyfood#khmerrecipe #sam-lor-korko