ចាប៉ីដងវែង នគរកាយ​ មួយរឿងពេញ ច្រៀងដោយលោកតាព្រឹទ្ធាចារ្យ ប្រាជ្ញ ឈួន ហៅ ភិរម្យវោហារ

ចាប៉ីដងវែង នគរកាយ​ មួយរឿងពេញ ច្រៀងដោយលោកតាព្រឹទ្ធាចារ្យ ប្រាជ្ញ ឈួន ហៅ ភិរម្យវោហារ #រឿងនគរកាយ #ចម្រៀងចាប៉ី #ច្រៀងចាប៉ី #ចាប៉ីដងវែង លោកព្រឹទ្ធាចារ្យ ប្រាជ្ញ ឈួន ១៩៣៦-២០១៨ (៨២ឆ្នាំ) ហៅ ភិរម្យវោហារ។ លោកតាបានចាប់កំណើតនៅភូមិត្រពាំងកក់ ឃុំខ្វាវ ស្រុកទ្រាំង ខេត្តតាកែវ។ លោកជាកូនពៅក្នុងគ្រួសារកសិករមួយដែលមានកូន ចំនួន ៦នាក់ ហើយលោកបានចាប់ផ្តើមរៀនចាប៉ីនៅអាយុ ៩ឆ្នាំពីឪពុកមារខាងឪពុកម្នាក់ឈ្មោះ ប៉ែន ឌុក ហៅ ចង្កូមប្រាំបី។ លោកតាបានចាប់ងងឹតភ្នែកតាំងពីអាយុ៩ឆ្នាំដោយសារជំងឺកញ្ជ្រិល។ ប្រមុខរាជរដ្ឋាភិបាលកម្ពុជាក៏បានស្នើទៅអង្គការយូណេស្កូដើម្បីបញ្ចូលសិល្បៈចាប៉ីដងវែងនេះជាសម្បត្តិបេតិកភណ្ឌពិភពលោក ហើយអង្គការយូនីស្កូក៏ទទួលស្គាល់ និងបញ្ចូលសិល្បៈចាប៉ីដងវែងនេះចូលក្នុង បញ្ជីបេតិកភណ្ឌពិភពលោក កាលពីថ្ងៃទី៣០ ខែវិច្ឆិកា ឆ្នាំ២០១៦។ លោកព្រឹទ្ធាចារ្យភិរម្យវោហារ ប្រាជ្ញ ឈួន បានទទួលមរណ ភាព កាលពីថ្ងៃទី១៧ ខែវិច្ឆិកា ឆ្នាំ២០១៨ ក្នុងជន្មាយុ ៨២ឆ្នាំ ដោយជរាពាធ។ Video: ពូថៅដៃ    • [NONSTOP​ FULL COLLECTION ALBUM] ចាប៉ីដងវែ...   ចង្កូម៨    • [NONSTOP​ FULL COLLECTION ALBUM] ចាប៉ីដងវែ...   ហ្លួងវោហារសែម    • [NONSTOP​ FULL COLLECTION ALBUM] ចាប៉ីដងវែ...   ក្រមង៉ុយ    • [NONSTOP​ FULL COLLECTION ALBUM] បណ្តាំក្រ...   Playlist: ទម្លាប់ វប្បធម៌ ប្រពៃណី    • ទម្លាប់ វប្បធម៌ ប្រពៃណី   មរតកតន្ត្រី សម័យ បុរាណ    • មរតកតន្ត្រី សម័យ បុរាណ   Overview: «ចាប៉ី» ជាពាក្យក្លាយមកបីពាក្យសំស្ក្រឹតថា «ចក្ឆប៉ី»។ ហៅឈ្មោះថា ចាប៉ីដងវែង មកពីចាប៉ី នេះមានដងវែងទន្ទាំ។ ចាប៉ីដងវែងជាឧបករណ៍មានខ្សែ២ ឬ៤ ប៉ុន្តែវាមានសំនៀងតែ២ទេ។ វាសម្រាប់ប្រគំក្នុងវង់ភ្លេងការបុរាណ វង់ភ្លេងអារក្ស វង់ភ្លេងមហោរីជាដើម និងប្រើទោលសម្រាប់លេងកំដរចម្រៀងកំណាព្យ។ វាចែកចេញជា ដង ព្រលួត ប្រកៀន(ធរណី) ខ្ទង់ ស្នូក(ប្រអប់សំនៀង) ក្រាញ(គីង្គក់) ខ្សែ និងក្រចក។ ក្រាញធ្វើអំពីឈើធ្នង់។ ខ្សែសំនៀងធ្វើពីសរសៃសូត្រ និងខ្សែនីឡុង។ ចាបុីដងវែង ត្រូវបានបញ្ជូលក្នុងបញ្ជីបេតិកភណ្ឌអរូបីនៃមនុស្សជាតិនៅថ្ងៃទី៣០ ខែវិច្ឆកា ឆ្នាំ២០១៦។ Function: ចាប៉ីដងវែងមានមុខងារសំខាន់ ៤យ៉ាងគឺ៖ ១. សំខាន់ក្នុងវង់ភ្លេងអារក្ស ដោយគេយកឧបករណ៍នេះទៅប្រគំចូលជាមួយឧបករណ៍ដទៃទៀតក្នុងពេលលៀងអារក្សម្ដងៗតាំងពីសម័យយូរលង់ណាស់មកហើយ ។ ២. សំខាន់ក្នុងវង់ភ្លេងការបុរាណដែលជាប្រពៃណីរបស់ដូនតាយើងតាំងពីរាប់ពាន់ឆ្នាំមកហើយ ។ ៣. សំខាន់សម្រាប់កំដរចំរៀងបែបកំណាព្យ ដែលអ្នកច្រៀងត្រេះផងច្រៀងផងមានប្រជាប្រិយបំផុត ។ ៤. សំខាន់ក្នុងវង់ភ្លេងមហោរីសម័យដំបូងបង្អស់ ប៉ុន្ដែសម័យបច្ចុប្បន្ននេះ ចាប៉ីដងវែងគ្មានវត្ដមានក្នុងវង់ភ្លេងមហោរីនេះទៀតទេ។ Structure: ចាប៉ីដងវែងរបស់យើងមានលក្ខណៈដូចជា ៖ ដងទាំងវែងចែកចេញជា២ឈ្មោះ គឺដង និងប្រពែ។ -ប្រពែ គឺចាប់ពីប្រលួតទៅដល់ផ្នែកខាងចុង។ -ដង គឺចាប់ពីព្រលួតទៅទល់នឹងប្រអប់សំនៀង។ ដងធ្វើអំពីដើមក្រសាំងកាលពីសម័យដើម ប៉ុន្ដែបច្ចុប្បន្ននេះគេយកឈើដទៃទៀតដែលមានគុណភាពប្រហាក់ប្រហែល នឹងដើមក្រសាំងមកធ្វើ ។ -ព្រលួត (បង្គាន) មាន២ ៣ ឬ៤ ចាប៉ី ខ្លះមានព្រលួត២សម្រាប់រឹតខ្សែសំនៀង២ ចាប៉ីខ្លះមានព្រលួត៤ គឺសម្រាប់រឹតខ្សែសំនៀងទាំង៤ឱ្យមានសំនៀងតែ២ ដូចចាប៉ីដែលមានព្រលួត២ដែរ។ ព្រលួតទាំងអស់នោះធ្វើអំពីឈើរឹងដូចជាឈើនាងនួន ឈើគ្រញូង ។ល ។ មានទំហំ និងប្រវែងប៉ុនៗគ្នា ។ -ធរណី គឺជាខ្ទង់ខ្ពស់ជាងខ្ទង់ដទៃ ដែលស្ថិតនៅកៀកនឹងព្រលួតសម្រាប់ទ្រខ្សែសំនៀងឱ្យផុតពីខ្ទង់ទាំងឡាយ។ ធរណីនេះច្រើនតែបញ្ចុះក្បាច់ក្បូរលម្អ។ ខ្ទង់មានចំនួន១២ដែលតូចធំ ទាបខ្ពស់ជាងគ្នាជាលំដាប់លំដោយមានចន្លោះពីមួយទៅមួយតាមកម្រិតសំនៀងរបស់ ខ្លួន។ គ្រប់ខ្ទង់ទាំងអស់មានចោះប្រហោងចំកណ្ដាលសម្រាប់ដោតខ្សែការពារ ជ្រុះបាត់ ។ -ស្នូក ឬប្រអប់សំនៀងមានរាងដូច ផ្លែម្នាស់ ស្នូកខ្លះទៀតមានរាងស្ទើរជ្រុងស្ទើរមូល ។ កាលពីសម័យដើម គេយកដើមរាំង មកធ្វើស្នូក បច្ចុប្បន្ននេះគេយកប្រភេទឈើដែលមានគុណភាពប្រហាក់ប្រហែលនឹងដើមរាំងមកធ្វើ ។ -ខ្សែចាប៉ីដងវែងមានខ្សែ២ ឬ៤ ប៉ុន្ដែខ្សែ៤មានសំនៀងតែ២ទេ។ ខ្សែទី១ តូចឈ្មោះថា ខ្សែឯក។ ខ្សែទី២ធំឈ្មោះថា ខ្សែគ។ខ្សែទាំង២នេះកាលពីសម័យដើមធ្វើអំពីសរសៃសូត្រវេញចូលគ្នា ប៉ុន្ដែបច្ចុប្បន្នគេយកខ្សែជ័រនីឡុងមកប្រើជំនួសវិញ ។ -ក្រចកសម្រាប់ត្រេះធ្វើអំពីបន្ទះស្នែងតូច ស្ដើងវែង ដូចជាស្នែងគោ ឬក្របី ។ល។ Tone: ចាប៉ីដងវែងមានលក្ខណៈពិសេសក្នុងការប្រើសំនៀង ត្រួតជាងសំនៀងរាយ។ នៅពេលប្រគំបទណាក៏ដូចជាបទណាដែរ គេតែងតែត្រេះខ្សែទាំង២ស្មើគ្នា ប៉ុន្ដែលំនាំសាច់បទ គឺស្ថិតនៅលើខ្សែឯកដោយគេប្រើម្រាមដៃចុចចុះចុចឡើងទៅតាមលំនាំ នៅលើខ្សែនេះ រីឯខ្សែគ គេត្រេះបង្ហើរចោលសម្រាប់ជួយបន្ទរសាច់បទប៉ុណ្ណោះ។ ប្រសិនបើគេចង់បានចាប៉ីដងវែងឱ្យមានសំនៀងល្អ ឮខ្លាំង គេត្រូវធ្វើវាតាមពាក្យស្លោកចាស់បុរាណថា «ស្នូករាំង ដងក្រសាំង សន្ទះខ្ទុម្ព គីង្គក់ធ្នង់ ខ្ទង់ឆ្អឹង»។ Rhythm: សាច់ភ្លេងធំៗទាំង ៤ សម្រាប់លេងកំដរពេលច្រៀងទោល និងឆ្លើយឆ្លងរួមមាន៖ ១. បទផាត់ជាយ៖ ប្រើសម្រាប់នមស្សកា (គុណព្រះរតនត្រ័យ)រំលឹកគុណគ្រូ មាតា បិតា)។ ២. បទសំពោង៖ ប្រើសម្រាប់បង្ហាញអារម្មណ៍កំសត់ និរាសព្រាត់ប្រាស។ ៣. បទផាត់ជាយក្លាយ៖ ប្រើសម្រាប់រៀបរាប់ដំណើររឿងវែងអន្លាយ។ ៤. បទនគររាជ៖ ប្រើសម្រាប់ជូនពរជ័យ។ Legendary: ព្រឹទ្ធាចារ្យចាប៉ីដងវែងជើងចាស់ មានដូចជា៖ ព្រឹទ្ធាចារ្យ ប្រាជ្ញ ឈួន ព្រឹទ្ធាចារ្យ គង់ ណៃ ព្រឹទ្ធាចារ្យ នេត ប៉េ អ្នកចាប៉ីដងវែងបច្ចុប្បន្ន មានដូចជា៖ លោកស្រី ស៊ិន សយ លោក ពេជ្រ សារ៉ាត់ លោក ឌួង សុខគា #ចាប៉ីដងវែងភិរម្យវោហារប្រាជ្ញឈួន #ប្រាជ្ញឈួន #ព្រឹទ្ធាចារ្យប្រាជ្ញឈួន #ភិរម្យវោហារ #ស្រីតូចស្រីធំ​ #ssreytochssreythom