AS JY NA MY VERLANG

As jy na my verlang gaan soek my in fyn porselein gaan soek my in goudgeel melktert toegegooi onder bruin pypkaneel gaan soek my daar in die laeveld se aandlug waar lelies, amarillis en delfiniums in fyn beddings op jou wag en as jy na my verlang kyk uit vir my spore in 'n waterval se sproei op 'n voetslaanpad waar die son koekeloer ek is in die aandwind in die loerie se gesang tussen wilde gras en veldblomme dit is waar ek nog altyd was as jy na my verlang Ooorspronklike woorde: Linda van Wyk Verwerking en produksie: Simon Riekert © 2026