Шымкентте белгілі бапкердің ұлын өлтіргендер сотталды

Шымкентте белгілі бапкер Александр Колесниковтың ұлы Василий Колесниковты айуандықпен өлтірген қылмыскерлер сотталды. Қолға түскен алты адам 20 жылдан 23 жылға дейін қамалды. Соқталдай жігіттердің бәрі бұған дейін сотталған. Атышулы іске қатысқан әріптесім Назерке Үкібасова толықтырады. Тапа тал түсте Шымкент көшесінде болған қанды қылмысқа сот бүгін нүкте қойды. Атышулы істің үкімін тыңдауға келгендердің қарасы көп. Жаза мерзімі жарияланғанда жауапқа тартылған алтаудың анасы көз жасын тия алмады. Ал, аяулы ұлынан айырылған Александр Колесниковтың өзі бұл жолы сотқа келмеді. ӘБИНҰР ҚАРАБАЕВ, Шымкент қалалық қылмыстық істер жөніндегі мамандандырылған ауданаралық сотының судьясы: Арысбаев қылмыстар жиынтығымен түпкілікті 23 жыл. Іңкәрбеков пен Қызбалаевқа түпкілікті 22 жылдан, Ерімбетов 21 жыл, Жұманазарға 20 жыл, Қуандықовқа 20 жыл 6 ай мерзімге бас бостандығынан айыруы жазасы тағайындалды.....Қуандықов бұрын сотты болған. Пробациялық бақылауда жүре тұра оған қарамай, бұрынғы сотталғаннан нәтиже шығармай қайтадан аса ауыр қылмыс жасап, бұл жерде пробациялық бақылау қызметкерлері тарапынан заңбұзушылықтарға жол берілген Еске салайық, қаңтар айында Шымкенттің қақ ортасында қанды қылмыс болған еді. Әдейң кептеліс жасаған бір топ адам Василий Колесниковты көлікке күштеп отырғызып алып кетіп, қинайды. Артынша алған жарақаттарынан қайтыс болған азаматтың мәйітін аурухана алдына тастап кетеді. Сараптама нәтижесі Колесниковтың сүйектерінің сынғанын көрсеткен. ТАЛҒАТ ЕСІМОВ, жәбірленушінің адвокаты: Берілген мерзімі заңға сәйкес деп есептеймін. Өйткені Колесниковтың әкесінің уәжіне сәйкес. Алайда, менің жеке уәжім оларға бас бостандығына,н оларға мәңгілікке жаза беру керек еді оларға. Менің пікірімше. Бұл да бізге болады. Үкіммен бір келіспейтін жері заңбұзушылық жасауға ықпал еткен үш автокөлік мемлекет пайдасына тәркілену керек еді. Ол бойынша шағым беруім мүмкін» Атышулы істе 8 күдіктіге іздеу жарияланған еді. Алайда, оның екеуі сол күйі ұсталған жоқ. Бұл істе тағы бір жәбіленуші бар. Досын құтқармақ болған Нұрмахан Ешанқұлов пышақ жарақатынан аман қалған. Сот оған өтемақы ретінде 10 миллион теңге беру туралы шешім шығарды. #Информбюро #31арна #БастыЖаңалықтар #Новости #31канал