كاراغر: بوعدي يجب ان يكون اساسي | حكيمي شنق على بوعدي ههه | أبقار كيغمق على لامين | الزلزولي

أيوب بوعدي دخل فالجولة الثانية وبدّل الماتش كامل، وقدم أداء كبير خلا الجميع يشيد بالمستوى ديالو، خصوصاً الصحافة العالمية والمحللين الرياضيين. بوعدي عطى إضافة كبيرة للفريق ديالو. و كان تفاعل كبير ديال لاعبي مانشستر سيتي مع المنشور ديالو على إنستغرام من بعد الماتش، حتى هالاند اعتابرو رجل المباراة! ومن جهة أخرى، أشرف حكيمي حتى هو كان فالمستوى، وقدم مباراة كبيرة البارح. ومن بين اللقطات اللي تستاهل المشاهدة، المواجهة ديالو مع دوكو، فين بان المستوى الكبير ديال حكيمي. وزيادة على هادشي، باين أن حكيمي وبوعدي تفاهمو على تبديل القمصان من بعد الماتش، فلقطة زوينة بين جوج لاعبين مغاربة. وبالنسبة لعبد الصمد الزلزولي، حتى هو بصم على هدف عالمي فمرمى بورتو، فمنافسات دوري الأبطال، وورّانا مرة أخرى الجودة التقنية اللي عندو والقدرة ديالو على صناعة الفارق فالمباريات الكبيرة. وماشي غير الزلزولي اللي تألق، حتى رفيق العرقيوي سجل هدف رائع فالدوري الهولندي. أما حكيم زياش، فكيبان أنه بدا كيرجع للواجهة فالبرازيل. المدرب ديال بوتافوغو ولى كيعتمد عليه فمركز صانع الألعاب، خصوصاً من بعد الإصابة ديال ألفارو مونتورو. والمدرب أشاد بالمرونة ديال زياش، وقدرتو يلعب فالوسط وحتى فالأطراف، وعطاه دقائق لعب أكثر من اللي كان مخطط ليها فمواجهة فاسكو دا غاما. ومن اللقطات الطريفة، كاين الحوار ديال المدافع المغربي عبد الكبير أبقار مع لامين يامال، فين قالو: «لامين، واش بغيتي تلعب مع المغرب؟» وبالرجوع للمنتخب الوطني، كاين نقاش على التحركات ديال ياسر الزابيري ضد الغابون. الزابيري دار نفس التحركات والنداءات اللي كيدير عادة، ولكن الفرق هو أن أوناحي ما عطاهش نفس التمريرات اللي كان كيحتاجها باش يستغل المساحات ويسجل. وهادشي كيبين أن المهاجم ماشي ديما هو المسؤول على غياب الفرص، حيث التفاهم بين اللاعبين وجودة التمريرة حتى هما عندهم دور كبير. ونختمو بلقطة كتجسد الروح الرياضية والأخوة بين اللاعبين المغاربة. ملي تسول النصيري علاش ما احتافلش بهدف التعادل اللي سجلو ضد الفريق ديال بونو، جاوب بجواب فيه بزاف ديال المعاني.