#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍ ទី០៦ ខែតុលា ឆ្នាំ២០២៦ «វាគឺជាប្រយោជន៍របស់អ្នកទេ»

#ចំណងជើងវីដេអូ៖ «វាគឺជាប្រយោជន៍របស់អ្នកទេ» It's Always In Your Interest #រៀបរៀងឡើងដោយ Pastor Chris #ព្រះបន្ទូលនៃសេចក្ដីពិតសម្រាប់ថ្ងៃអង្គារ៍ ទី០៦ ខែតុលា ឆ្នាំ២០២៦ «វាគឺជាប្រយោជន៍របស់អ្នកទេ» It's Always In Your Interest #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» «ដ្បិត​ព្រះ‌ទ្រង់​ស្រឡាញ់​មនុស្ស​លោក ដល់​ម៉្លេះ​បាន​ជា​ទ្រង់​ប្រទាន​ព្រះ‌រាជ‌បុត្រា​ទ្រង់​តែ​១...» (យ៉ូហាន ៣:១៦)។ សេចក្តីពិតដ៏អស្ចារ្យបំផុតមួយ ដែលអ្នកត្រូវតែយល់ជាមួយនឹងការដើរជាមួយនឹងព្រះ គឺថា៖ ទ្រង់មិនដែលទាមទារអ្វីមួយពីអ្នក ដើម្បីជាផលប្រយោជន៍របស់ទ្រង់ផ្ទាល់នោះឡើយ។ នៅពេលណាដែលទ្រង់ទូន្មាន ដឹកនាំ កែតម្រូវ ឬចង្អុលបង្ហាញដល់អ្នក វាគឺជាប្រយោជន៍របស់អ្នកទេ។ គ្រប់ការទាំងអស់ដែលទ្រង់ធ្វើ គឺកើតចេញពីសេចក្តីស្រឡាញ់ចំពោះអ្នក និងជាគោលបំណងរបស់ទ្រង់ ដើម្បីនាំអ្នកឲ្យចូលទៅកាន់សេចក្ដីបរិបូរ និងបំណងប្រាថ្នាដ៏ធំប្រសើរ សម្រាប់ជីវិតរបស់អ្នក។ សូមពិចារណាអំពីអ្វីដែលទ្រង់បានធ្វើតាមរយៈព្រះយេស៊ូវគ្រីស្ទ, គឺថា៖ ទ្រង់បានប្រទានព្រះរាជបុត្រារបស់ទ្រង់សម្រាប់យើង។ ព្រះយេស៊ូវបានលះបង់ព្រះជន្ម ទ្រាំទ្ររាល់បាបរបស់យើង ហើយបានរស់ឡើងវិញ ទាំងមានជ័យជម្នះលើសេចក្ដីស្លាប់ ដើម្បីនាំយើងឲ្យចូលទៅកាន់ទំនាក់ទំនងជិតស្និទ្ធជាមួយនឹងព្រះវរបិតា។ ប៉ុន្តែ សេចក្តីស្រឡាញ់របស់ទ្រង់ ក៏មិនបានបញ្ឈប់ត្រឹមណោះទេ។ បន្ទាប់ពីបានទទួលការលើកតម្កើងជាមួយនឹងតំណែងដ៏មានអំណាច និងមានសិរីល្អហើយ ព្រះយេស៊ូវទ្រង់បានជ្រើសរើសចែករំលែកមរកតនោះជាមួយនឹងយើង។ ព្រះគម្ពីរចែងបែបនេះថា៖ យើងក៏បាន«​គ្រង​មរដក​ដែរ គឺ​ជា​អ្នក​គ្រង​មរដក​នៃ​ព្រះ​ជា​មួយ​នឹង​ព្រះ‌គ្រីស្ទ​ផង» (រ៉ូម ៨:១៧)។ សូមគិតអំពីចំណុចនេះ៖ ព្រះអង្គដែលគ្រប់គ្រងលើគ្រប់ទាំងអស់ មិនត្រឹមតែប្រទានពរដល់យើងយ៉ាងបរិបូររបស់ទ្រង់ប៉ុណ្ណោះទេ ប៉ុន្តែទ្រង់បាននាំយើងឲ្យចូលទៅកាន់ភាពជាម្ចាស់លើកម្មសិទ្ធិរួមគ្នាផងដែរ។ ការនេះជួយឲ្យយើងយល់ពីទំនាក់ទំនង និងការប្រាស្រ័យទាក់ទងរបស់ព្រះជាមួយនឹងយើង។ ដូច្នេះ សូមកុំមើល ឬឆ្លើយតបទៅនឹងការណែនាំរបស់ទ្រង់ តាមរយៈទស្សនៈបែបខាតបង់ ឬការលះបង់ឡើយ។ ប៉ុន្តែ ចូរមើលឃើញការទាំងនោះ គឺជាការសម្តែងចេញនៃសេចក្តីស្រឡាញ់ និងប្រាជ្ញារបស់ទ្រង់វិញ។ ចូរទុកចិត្តលើព្រះបន្ទូលរបស់ព្រះ និងការដឹកនាំរបស់ព្រះវិញ្ញាណបរិសុទ្ធ ដែលមាននៅក្នុងជីវិតរបស់អ្នក ដោយដឹងថា៖ព្រះទ្រង់រាប់ជាប្រយោជន៍ដ៏ប្រសើរដល់អ្នកក៏មាននៅក្នុងព្រះហឫទ័យរបស់ទ្រង់ដែរ។ ព្រះទ្រង់ស្រឡាញ់អ្នកជាងអ្នកស្រឡាញ់ខ្លួនឯងទៅទៀត, ព្រះទ្រង់មានព្រះហឫទ័យមុតមាំ ចំពោះជោគជ័យរបស់អ្នក លើសពីអ្វីដែលអ្នកអាចគិតដល់ទៅទៀត។ ព្រះដែលបានប្រទានព្រះរាជបុត្រារបស់ទ្រង់តែ១គត់ សម្រាប់អ្នក នោះទ្រង់ក៏បានធ្វើឲ្យអ្នកក្លាយជាអ្នកទទួលមរតករួមជាមួយនឹងព្រះគ្រីស្ទ ហើយក៏មិនដែលដឹកនាំអ្នកឲ្យចូលទៅរកអ្វីៗ ដែលមិនមែនជាប្រយោជន៍ដ៏ល្អដល់អ្នកនោះឡើយ។ #ពាក្យអធិស្ឋាន ឱព្រះវរបិតាជាទីស្រឡាញ់អើយ ទូលបង្គំសូមអរព្រះគុណព្រះអង្គ ចំពោះសេចក្តីស្រឡាញ់ និងសេចក្តីល្អឥតគណនាបានរបស់ទ្រង់ចំពោះទូលបង្គំ។ ទូលបង្គំទុកចិត្តលើប្រាជ្ញា និងការដឹកនាំរបស់ទ្រង់ ដោយដឹងថា៖ គ្រប់ដំបូន្មានដែលទ្រង់ប្រទានមក នោះគឺកើតចេញពីសេចក្តីស្រឡាញ់របស់ទ្រង់ទេ ហើយក៏បានរៀបចំឡើងសម្រាប់ជាប្រយោជន៍របស់ទូលបង្គំផងដែរ។ ចិត្តរបស់ទូលបង្គំ បានប្រគល់ជូនទ្រង់ ហើយទូលបង្គំដើរដោយមានទំនុកចិត្តចំពោះព្រះហឫទ័យដ៏ល្អឥតខ្ចោះនេះ ដោយដឹងថា៖ ផែនការរបស់ទ្រង់សម្រាប់ទូលបង្គំ គឺប្រកបដោយភាពល្អប្រសើរ និងសម្រាប់ជាព្រះពរដល់ទូលបង្គំ ក្នុងព្រះនាមព្រះយេស៊ូវ។ អាម៉ែន។ #ការសិក្សាបន្ថែម៖ រ៉ូម ៨:១៦-១៧ យេរេមា ២៩:១១ យ៉ាកុប ១:១៧